Ավինյանը խնդրում է հուշել, թե որտեղից հայթայթեն գումարներ

ԱԺ տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստում Երեւանի քաղաքապետարանի` 2024 թվականի բյուջետային հատկացումը ներկայացրեց երեւանցիների ընդամենը 75 463 ձայնով քաղաքապետ դարձած ՏԻԳՐԱՆ ԱՎԻՆՅԱՆԸ: Նա թեպետ ընդգծեց, որ Երեւան քաղաքը նախատեսում է սեփական եկամուտները էականորեն բարձրացնել 2024-ին` այս տարի հավաքագրված 38 մլրդ 799 մլն դրամի փոխարեն` հավաքագրելով 45 մլրդ 259 մլն դրամ, բայցեւ դժգոհեց, որ քաղաքապետարանին հատկացվող գումարը կրճատվել է:

— Որեւէ խնդիր չկա, դոտացիաները պետք է տրամադրվեն այն համայնքներին, որոնք Հայաստանի կենտրոնից հեռու են գտնվում: Բայց այս տրամաբանությամբ կստացվի, որ Երեւանը, ունենալով ՀՀ-ի տնտեսական պոտենցիալի 50-60%-ը, ունենալով բնակչության 40%-ից ավելին, ստանում է դոտացիաների ընդամենը 10%-ը: Կրճատվել է Կենդանաբանական այգու համար ֆինանսավորումը, թանգարանային ծառայությունների սուբվենցիաները, թատերական ներկայացումների ֆինանսավորումը, 234 մլն կրճատվել է պատվիրակված ծառայության ֆինանսավորումը, որը ճանապարհային երթեւեկության նշագծումներին է վերաբերում: Այս պարագայում, եթե մենք համեմատենք 2023-ի բյուջեի հետ, եթե հաշվի չենք առնում սեփական եկամուտների աճը, ապա ֆունդամենտալ լուծում չգտնելու դեպքում, անկեղծ եմ ասում, մենք որոշակի ճգնաժամային կառավարման մոդելի ենք անցնելու: Ինչքան թերֆինանսավորենք ծրագրերը, այնքան մեր խնդիրները ավելի ու ավելի կխորանան: Խնդրում եմ ասեք`մենք էլ որտեղի՞ց հայթայթենք գումարներ, որ խնդիրները լուծենք: Մենք ասում ենք` առնվազն այս փուլում տվեք այնքան, ինչքան տվել եք 2023-ին,մենք շարունակենք աշխատել, հետո միասին արդար բաշխման վերաբերյալ ունենանք քննարկում, տեսնենք` ֆունդամենտալ լուծումը որն է:

ՀՐԱՆՏ ՍԱՐԱՖՅԱՆ

Այս թեմայով Բաբուխանյանը բարձրացրեց Արցախի օկուպացված քաղաքների հարցը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՇՏԱՊ. 36-ամյա գործարարին մահացած են գտել. Հրապարակ Ադրբեջանական ագրեսիայի հետևանքով Արցախն ունեցել է 220-ից ավելի զոհ Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ