Ղրիմն իրականում գողացել էին Ռուսաստանից. Կոնստանտին Զատուլին

Ինչպես արդեն նշել էր «Իրավունքը», Մոսկվայում տեղի ունեցած Յալթայի միջազգային համաժողովին մասնակցում էր ՌԴ Պետդումայի ԱՊՀ գործերով, եվրասիական ինտեգրման եւ հայրենակիցների հետ կապերի հանձնաժողովի նախագահի առաջին տեղակալ ԿՈՆՍՏԱՆՏԻՆ ԶԱՏՈՒԼԻՆԸ: Նա ասաց, որ առաջին անգամ է մասնակցում Յալթայի միջազգային համաժողովին:

— Չստացվեց, որ Յալթայում մասնակցեի այս համաժողովին, եւ հիմա այն հյուրընկալվեց Մոսկվայում: Ուզում եմ ասել, որ հաճախ չէ մարդու կյանքում լինում նման երջանկություն` տեսնել պատմական արդարության վերականգնում: Նրանք, ովքեր Խորհրդային միության փլուզումից հետո` 90-ական թվականներին, սկսեցին պայքար Ղրիմը վերադարձնելու համար, իհարկե, չէին կարող 100 տոկոսով համոզված լինել, որ մեր սերնդի կենդանության օրոք այն տեղի կունենա: Լինելով վստահ, որ այն, միեւնույնն է, կյանքի է կոչվելու, չգիտեինք, թե` երբ: Եվ ահա 2014 թվականին Ղրիմը եւ Սեւաստապոլը վերադարձան հայրենի նավահանգիստ, ինչպես ասում է մեր նախագահը: Վստահ եմ, որ Ղրիմի բարեկամները կիսում են մեզ հետ այս ուրախությունը: Ես դեռ դպրոցական տարիներից եմ ծանոթացել Ղրիմի հետ, երբ այն Խորհրդային միության կազմում էր, ու չէի հասկանում, թե ինչու Ղրիմը Ռուսաստանի կազմում չէ: Ղրիմն իրականում գողացել էին Ռուսաստանից, բայց այսօր Ուկրաինայից լսում ենք ձայներ, թե վերադարձրեք մեր Ղրիմը, մեր Յալթան, մեր ծովը, մեր Սեւաստոպոլը: Այդ երբվանի՞ց էին այս տարածքները դարձել ինչ-որ մեկինը, երբ դրանք հարյուամյակներով եղել են Ռուսաստանի մաս, եւ այս երջանկությունն այսօր մեզ հետ է:

ՀՐԱՆՏ ՍԱՐԱՖՅԱՆ

Մոսկվա-Երեւան

Այս թեմայով Եթե Փաշինյանը հաղթի առաջիկա ընտրություններում, Ռուսաստանը չպետք է պաշտոնապես ճանաչի արդյունքները․ Զատուլին Հայաստանը փաստացիորեն հայտնվում է Եվրոպական միության արտաքին կառավարման ներքո. Բալասանյան Պետությունը իրավունք ունի փոխել պատկերը, բայց չունի իրավունք փոխել ժողովրդի հիշողությունը. Բացառիկ զրույց հայտնի իրավապաշտպանի հետ Թուրքիան այդ հատվածը գործակելով կարողանո՞ւմ է Հայաստանին ավելի հեռուն՝ դեպի Սև ծով ելք տրամադրել.Տնտեսագետը Գյումրի-Կարս երկաթգծի մասին Աշխատողը ճորտ չէ, ստրուկ չէ, աշխատավորի օրը պարզապես օրացուցային տոն չէ. Հայտնի իրավապաշտպանը մայիս 1-յան տոնի մասին