Ում գերեւարումներով են սպառնացել ԱՀ նախագահներին, որից հետո վերջիններս այլ ելք չգտնելով հանձնվել են Ադրբեջանի ԱԱԾ-ին. Բացառիկ մանրամասներ

«Իրավունքին» որոշ մանրամասներ են հայտնի դարձել երեք նախագահների գերեւվարմանը նախորդող գործընթացներից: Մասնավորաես արցախյան մեր աղբյուրները փաստում են, որ խաղաղապահների հրամանատարը հենց Մոսկվայից ամենաբարձր մակարդակով հրահանգ էր ստացել ԱՀ նախկին նախագահներին Արցախից ամեն գնով դուրս բերելու վերաբերյալ։ Խաղաղապահների հրամանատարությունը որոշում է նախագահներին դուրս բերել Արցախից ուղղաթիռով, սակայն վերջին պահին ադրբեջանական կողմը կապվում է նրանց հետ և հաղորդում, որ չի երաշխավորում թռիչքի անվտանգությունը։ Այսպիսով թռիչքը չեղարկվում է։

Սակայն Ադրբեջանը մինչև վերջին պահը մանեվրում է՝ խոստանալով անվտանգ երթուղի տրամադրել Արցախում Կառավարության անդամներին, հոգևորականներին, ԱԱԾ տնօրեն Արարատ Մելքումյանին, պետնախարար Արթուր Հարությունյանին և մի քանի ղեկավար անձանց՝ պայմանով, որ նրանց Արցախից դուրս գալու հաջորդ իսկ օրը անվտանգ երթուղի կտրամադրվի նաև նախագահներին։

Սակայն վերջիններս Հակարիի կամրուրջ հասնելուց անմիջապես հոտո  Ադրբեջանի ԱԱԾ ներկայացուցիչները պայման են դնում՝ կամ Արցախի նախագահները և ԱԺ նախագահ Դավիթ Իշխանյանը հանձնվում են, կամ իրենց մոտ եղած պաշտոնյաները, եւ հոգեւորականները տեղափոխվում են Բաքու: Ստեղծված իրավիճակում նախագահները ու ԱԺ նախագահը որոշում են հանձնվել, ինչի դիմաց Բաքուն ազատ է արձակում վերջիններիս: