Հինգ տարի գործող իշխանությունը փորձում է մեղադրել հինգ օր իշխանության եկածներին. Գառնիկ Դանիելյան

ԱԺ «Հայաստան» խմբակցության ՀՅԴ-ական պատգամավոր ԳԱՌՆԻԿ ԴԱՆԻԵԼՅԱՆԻ գնահատմամբ` նախորդ շաբաթ Հայաստանում Արցախի ներկայացուցչության առջեւ տեղի ունեցած միջադեպն ակնհայտորեն նախօրոք էր պլանավորած:

— Ծրագրած ակցիա էր, որին ինչ անուն էլ տաս` հարձակում, թե բողոքի ցույց, էությունը չի փոխվում: Այն հայտնի մարդկանց կողմից վարվող այն քաղաքականության ամբողջ գործընթացի շարունակությունն էր, որը նաեւ պատերազմից առաջ փորձում էին գեներացնել Արցախում: Բայց տեսնելով, որ դա Արցախում չի ստացվում, այդ ամենը տեղափոխեցին Հայաստան: Նպատակն այն էր, որ ամեն դիրք ու ճար գործադրեն, որպեսզի գլխավոր մեղավորի, դավաճանի, անհայրենիք իշխանությունների մեղավորության բաժինը հանեն եւ նոր մեղավորներ կարգեն: Արցախցիները, փոխանակ պահանջատեր լինեն իրենց հայրենիքն իրենցից խլած դավաճանից, գնում եւ փորձում են հաշիվ պարզել միմյանց մեջ, ինչը շատ վտանգավոր է եւ կործանարար: Հետեւապես, դիմում եմ մեր սիրելի արցախցի հայրենակիցներին` քույրեր ու եղբայրներ, երբե՛ք չտրվեք այդ կեղծ օրակարգին, չզբաղվեք միմյանց հետ հարցեր լուծելով: Այստեղ կա մեկ մեղավոր եւ այդ մեկ մեղավորը Նիկոլ Փաշինյանն ու իշխանական այս խմբակն է: Ունենալով հինգ տարվա իշխանություն` սրանք ամեն ինչ արեցին, որպեսզի Արցախը հայաթափեն, հանձնեն թշնամուն, Պրահայում ստորագրեն փաստաթուղթ, որով ճանաչում են Ադրբեջանի տարածքային ամբողջականությունը` այն դեպքում, երբ Ադրբեջանը, ինչպես կապիտուլյանտը հայտարարեց, հստակ ոչ մի քառակուսի կիլոմետր չի նշում: Հինգ տարի գործող իշխանությունը փորձում է մեղադրել հինգ օր իշխանության եկածներին: Ցանկացած բանական մարդու մոտ հարց է առաջանում, թե ինչպե՞ս է ստացվում, որ երբ որդեկորույս հինգ ծնող կառավարության առջեւ կամ Եռաբլուրում հավաքվում է, անմիջապես հազարավոր կարմիրբերետավորներ հավաքվում ու ամենակոշտ ու ամենաբիրտ միջոցներով են վերաբերվում այդ մարդկանց հետ: Մինչդեռ այս դեպքում, երբ կադրերը նայում ես, ոստիկաններն ամեն կերպ նպաստում են, որպեսզի զայրացած ամբոխը մտնի, ջարդուփշուր անի,  հայհոյանքներ տեղա, մեղավորներ կարգի: Ու վերջում էլ հայտնվում են մարդիկ, որոնք առանց ամոթի, շնորհակալություն են հայտնում Նիկոլ Փաշինյանին: Հրապարակված կադրերում մեկն ասում էր` «ինչ լավ է, որ մեզ թողել են Հայաստան գանք»: Այս արհավիրքից, հայրենազրկումից հետո փորձել արցախցիներին միմյանց դեմ հանել եւ ուշադրությունը շեղել այլ կողմ, միայն իշխանության օրակարգն է:

Այս թեմայով Իրանում հանդիսավորությամբ նշվել է Հայաստանի Անկախության տոնը Վիրավոր իմ Հայաստան, դու դեռ ուղղելու ես քո ողնաշարը Անբարոյական մոտեցում է, եթե ՊՆ նախարարը գտնում է, որ բանակի ողբերգական դեպքերում իր մեղքը չկա Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները