Դարպասները բացվել են, ասում են՝ էստի համեցեք. Վահագն Մելիքյան

ՀՀ արտակարգ եւ լիազոր դեսպան, ԱԳՆ նախկին գլխավոր քարտուղար ՎԱՀԱԳՆ ՄԵԼԻՔՅԱՆԻ հավաստմամբ` այսպես կոչված, «անկլավների» հարցը բանակցությունների սեղանին երբեւէ դրված չի եղել:

— Ես փակ բանակցությունների մասնակից չեմ եղել, եթե ինչ-որ անդրադարձեր եղել են, ապա ոչ թե օրակարգային են եղել այդ կետերը, այլ` հարյուրերորդական, հազարերորդական` ուղղակի արձանագրելու, թե ինչպիսին է լինելու հետագա ճակատագիրը այն մարդկանց, ովքեր ժամանակին ապրել են այդտեղ: «Անկլավները» վերեւից իջեցված նորամուծություն է, նաեւ թելադրանք, պահանջ ու քանի որ մեքենան այնքան է իներցիայով տարվել, որ դռներն ուղղակի բացվել են, ոչ թե փոքր ճեղքեր են առաջացել, այլ դարպասները բացվել են, ասում են՝ էստի համեցեք: Ցանկացած պահանջ, որ դրվում է` կատարվում է: Թե հետո դա ինչպես կմատուցվի հասարակությանը, որը չի տիրապետում բանակցային գործընթացին, հեռու է արտաքին քաղաքականությունից, չգիտի` ինչ բան է դիվանագիտությունը, պայմանավորվածությունները, շատ հեշտ է կատարել, իսկ մեզ համար ընկալելի է` ինչ մանիպուլյացիա կա այստեղ: Հիմնական առանցքային խնդիրը բանակցություններում եղել է Արցախի կարգավիճակի հարցը: Իսկ «անկլավի» հարցը ընդհանրապես մեր օրակարգերում չի եղել: Մշտապես առաջ ենք մղել Արցախի մեր հայրենակիցների ինքնորոշման իրավունքի հարցը եւ դրա հետ ուղղակիորեն առնչվող Արցախի վերջնական կարգավիճակի խնդիրը: Մնացածն արհեստականորեն բերված կեղծ ու պարտադրվող օրակարգ է, որը շատ «գեղեցիկ» ձեւով ի կատար է ածվում: Ինչքան կտեւի մեր ժողովրդի դիմադրողականությունը՝ այդ հարցի պատասխանը չունեմ:

Այս թեմայով Ինչ նոտարական փաստաթուղթ է իրականում ստորագրել Հարությունյանը Բաքվի բանտում «Ժողովուրդ». ԱԳՆ մամուլի խոսնակին բարձրագույն դիվանագիտական աստիճան է շնորհվել. Սա է հայաստանյան դիվանագիտությունը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Քվեարկողների շատ մեծ հոսք է, հայկական կողմն ապահովում է անվտանգությունը. ՀՀ-ում ՌԴ դեսպան Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար