Ծափերը միակ բանն է, որ Փաշինյանը կստանա. դրանից հետո վախենալու ու դժվար ժամանակներ են գալիս. Գրիգորյան

Ստրասբուրգում` Եվրոպական խորհրդարանում, Նիկոլ Փաշինյանի ելույթն արժանացավ եվրապատգամավորների ծափերին: «Իրավունք TV»-ի տաղավարում ՀՀԿ խորհրդի անդամ ՄԻՔԱՅԵԼ ԳՐԻԳՈՐՅԱՆԸ հիշեցրեց, որ Ուկրաինայի նախագահ Վլադիմիր Զելենսկին եւս արժանացել ու շարունակում է արժանանալ եվրապատգամավորների ծափերին, բայց այդ ծափերից հետո վախենալու ու դժվար ժամանակներ են գալիս:

— Նիկոլ Փաշինյանը ջանք չէր խնայում, որպեսզի ցույց տար եվրոպացի իր գործընկերներին, որ Ռուսաստանը չի կատարում իր պարտականությունները: Նա ուղիղ տեքստով ասում էր, որ Ռուսաստանի խաղաղապահ զորամիավորումը չկատարեց իր վրա դրված պարտականությունները, եւ արդյունքում ունեցանք այն, ինչ ունենք այսօր: Սա լավ բանի մասին չի խոսում, որովհետեւ ունենք Ուկրաինայի օրինակը, երբ նույն կերպ ելույթներ էր ունենում Վլադիմիր Զելենսկին, եւ տեսնում ենք, թե ինչ է կատարվում հիմա այդ երկրում` հարյուրհազարավոր մահեր, գրեթե երկու տարի տեւող պատերազմ, եւ պարզ չէ, թե երբ է այդ ամենն ավարտվելու: Եթե Նիկոլ Փաշինյանը ցանկանում է, որ Հայաստանում նման իրավիճակ լինի, բայց ինքը ծափերի արժանանա, ապա ճիշտ ճանապարհ է ընտրել, թող շարունակի, թեպետ այդ ծափերը միակ բանն է, որ կստանա:

— Բայց իշխանությունը կարողացել է նույնպիսի հակառուսական տրամադրություններ ձեւավորել նաեւ հանրության շրջանում, եւ հիմա Փաշինյանի ասածներից շատ չեն տարբերվում նաեւ, օրինակ, արցախցիների կարծիքը ռուս խաղաղապահների մասին:

— ՌԴ նախագահը, ԱԳ նախարարը, բոլորն ասում են, որ Նիկոլ Փաշինյանն ուղղակի դուրս է եկել  2020 թվականի նոյեմբերի 9-ի եռակողմ պայմանավորվածությունների շրջանակից եւ ճանաչել է Ադրբեջանի տարածքային ամբողջականությունը, դրա պատճառով էլ ունենք այս վիճակը: ՌԴ ղեկավարությունը հարց է բարձրացնում` մենք այստեղ ի՞նչ անելիք ունենք, եթե ՀՀ վարչապետն ասում է, թե ամեն ինչ կարգին է, տարածքային ամբողջականություն է ճանաչում եւ այլն: Ինչքան էլ Ռուսաստանը լինի մեր ռազմավարական դաշնակիցն ու դարավոր բարեկամը, ոչինչ չի կարող անել, եթե ՀՀ ղեկավարությունը նման կերպ է մտածում: Պարզապես, մեղքն ուրիշի վրա բարդելը Փաշինյանի այցեքարտն է:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտե՛ք տեսանյութում.

Այս թեմայով Գեւորգ Սուջյանը նորություն ունի Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը «Իրավունք». «Որ խելքներդ չի հասնում, ծպտուն մի հանեք». Փաշինյանն օդերով է հանել նորելուկ պատգամավորներին