Մեզ անհրաժեշտ է զենք եվ բանակ. Քրիստինե Վարդանյան

Անդրադառնալով Նիկոլ Փաշինյանին ուղղված Վրաստանի նախկին նախագահ Միխայիլ Սահակաշվիլու բաց նամակին եւ դրանում տեղ գտած հորդորներին` ԱԺ «Հայաստան» խմբակցության պատգամավոր ՔՐԻՍՏԻՆԵ ՎԱՐԴԱՆՅԱՆՆ ասաց, որ եթե մեկը հոգեբուժարանից խորհուրդներ է տալիս որեւէ մարդու, արդյունքը լինելու է այն, որ նրա խորհրդին հետեւողը հայտնվելու է հոգեբուժարանում: Պատգամավորի կարծիքով` հայտնվել ենք այդ աշխարհաքաղաքական բախումների կիզակետում, ու հաջորդ քայլը կարող է լինել այն, որ այստեղ բախվեն տարբեր արտաքին ուժեր:

— Վստահ եմ, որ այս իշխանությունները այդ ճանապարհով են տանում եւ դրա օրինակներից է Սահակաշվիլին: Ի դեպ, Վրաստանը հիմա հետ է գալիս այն ճանապարհից, որին տարել է Սահակաշվիլին: Եվ ընդհանրապես, մենք վազում ենք մի տեղ, որտեղից երկրները վաղուց արդեն հետ են գալիս: Մենք տեսնում ենք, որ հատկապես ինքնիշխան երկրները առաջնորդվում են սեփական շահերով: Որեւէ մեկն ինձ կբացատրի՞, թե Սահակաշվիլուն հետեւելու մեջ որն է մեր շահը, Հայաստանի սովորական քաղաքացու շահը: Հիմա հայ մարդուն պետք է անվտանգություն: Եվ ինչպես Սահակաշվիլին չկարողացավ ապահովել իր երկրի շահը, այդպես էլ Նիկոլ Փաշինյանն արդեն հինգ տարի մեզ ցույց է տալիս, որ ունակ չէ եւ չի էլ ցանկանում ապահովել մեր անվտանգությունը: Եվրոպական խորհրդարանում ծափողջույնների փոխարեն` մեզ պետք են դաշնակիցներ: Մեզ անհրաժեշտ է զենք եւ բանակ:

Այս թեմայով «Անհամբեր սպասում ենք, որ բացվի Թուրքիայի հետ Հայաստանի սահմանը». Նիկոլ Փաշինյան Մեկ ընդդիմադիր համայնքապետ ասեք, որ ընտրվել է ու չի հետապնդվել․ Քրիստինե Վարդանյան Իրանում հանդիսավորությամբ նշվել է Հայաստանի Անկախության տոնը Վիրավոր իմ Հայաստան, դու դեռ ուղղելու ես քո ողնաշարը Բարեկամ հայ ժողովրդին մաղթում եմ բարեկեցություն և բարգավաճում․ Պուտինը ուղերձ է հղել Փաշինյանին