Իսրայելի դեմ պատերազմում են այն նույն վարձկանները, որոնք Արցախում էին 44-օրյա պատերազմի ընթացքում.Թել Ավիվից ՀՀ տեղափոխված մեր հայրենակցուհին պատմում է Իսրայելում տեղի ունեցող ոճրագործությունների մասին

Հոկտեմբերի 7 – ին ժամը 06:00 -ից սկսված Իսրայելի հարավային ու կենտրոնական բնակավայրերի հրթիռահարումների, Գազայի գոտուց հազարավոր ահաբեկիչների հարձակումների ու մարդկանց զանգվածային սպանությունների ու գերեվարման պարագայում հայտարարված պատերազմն Իսրայելի կառավարության կողմից հանկարծակիի բերեց նաև հայկական համայնքին: Տասնյակ քաղաքներ, որոնք հայկական բնակչություն ունեն առավոտը դիմավորեցին ռմբապաստարաններում: Կենտրոնական քաղաքներից հատկապես հարձակումների թիրախում են հայտնվել Ռիշոն Լեցիոնը, Բատ Յամը, Խոլոնը, Թել Ավիվը, Պետախ Տիկվան, Ռամատ Գանը- Կֆար Սաբան, Հոդ Հաշոռոնը: Հատկապես ծանր հրթիռահարումների են ենթարկվել Իսրայելի հարավային շրջաններն ու քաղաքները՝ Աշդոտ, Աշկելոն, Կիրյատ Գատ, Սդերոտ, Բեեր Շևվա քաղաքները՛

Արդյունքում հոկտեմբերի 16-ին ՀՀ տեղահանվեցին շուրջ երկու հայրուր մեր հայևենակիցներ, որոնց թվում էր նաեւ մեր հայրենակցուհի Իսրայելի քաղաքացի Արմինե Խանյանը, ով ՀՀ է տեղափոխվել Թել Ավիվից` ընտանիքի հետ միասին:

Արմինեն, հուզմունքով հիշում, թե ինչպես բացվեց հոկտեմբերի 7-ի լուսաբացը.«Խաղաղ քնեցինք, արթնացանք արդեն ռմբակոծվող քաղաքներում, միանգամից բոլոր քաղաքաներում հրթիռակոծություններ եղան, մարդիկ չգիտեին ոնց հասնեն ապաստարաններ: Մեր դեմ պատերազմում էին վարձու մարդասպաններ, որոնք մորթում, սանում ու ուղղակի բառի ուղիղ իմաստով գնդակահարում էին իրենց հանդիպած անմեղ քաղաքացիներին, այդ թվում երեխաներին, ծերերին ու մանուկներին, առանց խղճի մի գրամ խայթի: Թեեւ կոնկրետ Թել Ավիվիի վրա այդքան մեծ գրոհ չկար, բայց վտանգը ամեն վարկյան մեծանում էր, ու ցանկացած վարկյան ռիսկային էր: Իսրայելի դեմ պատերազմում են այն նույն վարձկանները, որոնք կային Արցախում էին 44-օրյա պատերազմում, նրանք ավերում էին շուրջ եղած ամեն ինչ ու ամեն մեկին,գերեւվարում էին մարդկանց, հետո սպանում ամենադաժան ձեւերով... »:

Մեր հայրենակցուհին երախտապարտ ու շնորհակալ է ՀՀ-ին` իրեն ու իր բախտակիցներին հյուրընկալ դիմավորելու համար. «Մեզ դիմավորեցին պաշտոնյաններ, ովքեր առանձնակի ջերմությամբ ու հոգատարությամբ դիմավորեցին մեզ, շնորհակալ ենք նաեւ անհատ մեր հայրենակիցներին, ովքեր շարունակում են իրենց աջակցությունը ցուցաբերել մեզ»: