Ալիեւը Ստեփանակերտում բարձրացնում է Ադրբեջանի դրոշը, դուք ֆեյսբուքում` Արցախինը. Զոհրաբյան

Արցախի հանրապետության մայրաքաղաք Ստեփանակերտի վրա բարձրացվեց Ադրբեջանի դրոշը, իսկ Ալիեւը այլեւս շրջում է նախագահական նստավայրով: Անդրադառնալով ողջ հայության համար այս ցավալի դրվագին` «Անվտանգություն եւ ժողովրդավարություն» ՀԿ նախագահ, նախկին պատգամավոր ՆԱԻՐԱ ԶՈՀՐԱԲՅԱՆՆ ընդգծեց, որ միայն Ստեփանակերտի վրա չբարձրացավ Ադրբեջանի դրոշը, այլ նաեւ Երեւանի ու մեզնից յուրաքանչյուրի տան վրա, յուրաքանչյուրի երեխայի օրորոցի վրա, ՀՀ բոլոր բնակավայրերի վրա:

— Ովքեր սա չեն հասկանում եւ շարունակում են սոցիալական ցանցերով պատերազմել այս ողբերգության դեմ` իրական պատերազմը, ներքին եւ արտաքին թշնամիներին մի կողմ թողած, ինչ ասեմ, շարունակեք այդպես: Թող Ալիեւը Ստեփանակերտում, հայկական բնակավայրերում ու քաղաքներում բարձրացնի Ադրբեջանի դրոշը, դուք Ֆեյսբուքում շարունակեք բարձրացնել հայկական, Արցախյան դրոշը: Այնուհետեւ Ալիեւը ադրբեջանական դրոշը կբարձրացնի Սյունիքում, բայց ոչինչ, չընկճվեք, չհուսահատվեք, շարունակեք Ֆեյսբուքում բարձրացնել հայկական դրոշը, հետո Ալիեւը Ադրբեջանի դրոշը կբարձրացնի Գեղարքունիքում, Տավուշում, Վայոց Ձորում, Եղեգնաձորում, շարունակեք նույն համառությամբ, նույն ջանասիրությամբ, ֆեյք պաթոսով եւ հայրենասիրությամբ Ֆեյսբուքում բարձրացնել Հայաստանի դրոշը: Միայն մի բան է ինձ հետաքրքիր` երբ Ալիեւը գա Երեւան եւ բարձրացնի Ադրբեջանի դրոշը, որտեղ եք ազատ սրճարան գտնելու, որ ձեր կապուչինոն խմելով` ֆեյսբուքյան էջերում բարձրացնենք Հայաստանի դրոշը եւ ասեք` Երեւան, մենք վերադառնալու ենք: Դուք հասկանո՞ւմ եք` թշնամին հստակ ճանապարհային քարտեզով իրականացնում է իր պատմական երազանքը, հիմա զավթելու է նաեւ Հայաստանը, իսկ մենք շարունակում ենք ֆեյք, անիմաստ, անամոթ, ռաբիս, անմակարդակ ֆեյսբուքյան հայրենասիրությամբ հիբրիդային այս պատերազմում փորձել հակազդել իրական թշնամու իրական գործիքներին:

— Նոր եք վերադարձել Ֆրանսիայից, կմանրամասնե՞ք, թե ինչ առաքելությամբ էիք այնտեղ:

— Թե՛ Փարիզում, թե՛ Ստրասբուրգում տարբեր միջազգային ինստիտուտներում հանդիպումներ եմ ունեցել, Արցախի մշակութային ժառանգության վերաբերյալ հարցեր եմ բարձրացրել, ինչպես նաեւ` հայ ռազմագերիների վերաբերյալ: Մինչեւ այս պահը ճշտված չէ, այդ թվում սեպտեմբերյան արցախյան պատերազմից քանի՞ գերեվարված անձ ունենք Ադրբեջանում: Ամեն օր ինձ դիմում են ծնողներ, ասում են` իմ որդին ո՛չ զոհերի մեջ է, ո՛չ վիրավորների: Խոսքը Արցախյան երրորդ պատերազմի մասին է: Ծնողների կողմից ինձ փոխանցված եւ իմ ունեցած բոլոր տվյալները փոխանցել եմ եվրոպական կառույցներին: Մինչ այս պահը որեւէ հուսադրող բան չկա, որովհետեւ թե՛ ԵԽ նախարարների կոմիտեն, թե՛ եվրոպական մյուս կառույցները չեն կարողանում Ադրբեջանից ստանալ տեղեկատվություն, թե որքան է վերջին պատերազմում գերեվարված մեր զինվորների եւ քաղաքացիական անձանց թիվը:

Այս թեմայով Չէ՞, հա, իրո՞ք. Գեւորգ Սուջյանի պատասխանը Ալիեւին Ինչ նոտարական փաստաթուղթ է իրականում ստորագրել Հարությունյանը Բաքվի բանտում ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Ընդդիմությունն իմ տպավորությամբ մինչ այս պահն օրակարգ չունի․ Նաիրա Զոհրաբյան