Տարբեր ռուբինյանները սադրում են Ադրբեջանի հետ բախում. Հայկ Բաբուխանյան

ՀՀ ԱԺ նախագահի տեղակալ, Թուրքիայի հետ հարաբերությունների կարգավորման հարցով Հայաստանի հատուկ բանագնաց Ռուբեն Ռուբինյանը ԵԽԽՎ աշնանային նստաշրջանում բավական կոշտ ելույթ ունեցավ` բարձրաձայնելով ադրբեջանական ցեղասպան ռեժիմի եւ նրանց կողմից Արցախում իրականացված էթնիկ զտման մասին: Նիկոլ Փաշինյանը եւս հիմա բոլորովին այլ դիրքերից է հանդես գալիս, մասնավորապես Եվրոպական խորհրդարանում հնչեցրած իր ելույթում մատնանշելով, որ Ադրբեջանի կողմից էթնիկ զտումների զոհ է դարձել ավելի քան 100 հազար հայ: Ի՞նչ է փոխվել իշխանության հռետորաբանության մեջ, «Իրավունք TV»-ի տաղավարում հետաքրքրվեցինք «Ուժեղ Հայաստան Ռուսաստանի հետ. հանուն նոր Միության» շարժման գործադիր կոմիտեի անդամ, ՍԻՄ կուսակցության նախագահ ՀԱՅԿ ԲԱԲՈՒԽԱՆՅԱՆԻՑ:

— Ոչ մի հակասություն նախկինում իրենց արված հայտարարությունների եւ այսօրվա ելույթների մեջ փնտրել պետք չէ: Հայաստանը չի վարում քաղաքականություն, հայաստանյան իշխանություն կոչեցյալները թելադրանքի տակ են, որը հիմա հետեւյալն է` սադրել նորանոր բախումներ: Եթե հիշում եք, երբ Նիկոլը եկավ իշխանության, սկսեց հայտարարել, որ Արցախը Հայաստան է, եւ միամիտ մարդը կարող էր ենթադրել, որ Նիկոլն ազգային տղա է: Իսկ իրականում Նիկոլը սադրում էր պատերազմ, որպեսզի Ադրբեջանը կարողանա զավթել Արցախի ամբողջ հանրապետությունը: Եվ հիմա նորից իրենց պետք է պատերազմ, որպեսզի Ադրբեջանը զավթի, այսպես կոչված, «անկլավները» եւ «Զանգեզուրի միջանցքը»: Այսօր տարածաշրջանային երկու պետությունները` Ռուսաստանն ու Իրանը, շատ բարդ իրավիճակում են, բայց երկուսն էլ այսօր ջանքեր են գործադրում, որպեսզի Սյունիքը պահեն: Օրինակ, երկու պետություններն էլ հյուպատոսություններ են բացում Կապանում: Վերջերս էլ ՀՀ-ում ՌԴ դեսպանն էր այցելել Կապան: Եվ հիմա ՀՀ իշխանություններն ամեն ինչ անում են, որպեսզի արագ հանձնեն «անկլավներն» ու «Զանգեզուրի միջանցքը», ինչպես հանձնեցին Արցախի տարածքները, ժողովրդին էլ արագ հանեցին այնտեղից: Սա դավաճանական քայլ էր, ինչի մասին բարձրաձայնել ենք բազմիցս: Հիմա Արեւմուտքին շատ պետք է, որպեսզի Ռուսաստանը կամ Իրանը ներգրավվեն բախման մեջ: Ու այսօր Իրանը, ինչպես եւ Ռուսաստանը, գտնվում են ծանր կացության մեջ` ներգրավվեն` լավ չէ, չներգրավվեն` էլի լավ չէ, որովհետեւ եթե կա կոնֆկլիկտ, պետք է անես կա՛մ առաջինը, կա՛մ երկրորդը: Եվ այս պարագայում` Ադրբեջանը կարող է հերթական անգամ օգտվել նրանց նեղ իրավիճակից:

Ինչ վերաբերում է Ռուբեն Ռուբինյանին, քանի՞ հայ եք ճանաչում, որ Թուրքիայում բարձրագույն կրթություն է ստացել: Ես, ճիշտն ասած, միայն Ռուբեն Ռուբինյանին գիտեմ: Իմ շրջապատում շատ մարդիկ կան, ովքեր հնարավորություն ունեն գնալ Թուրքիայի ծովափերը` հանգստանալու, բայց ասում են` քանի այն Թուրքիա է, չենք գնա, որովհետեւ զզվում ենք, ավելի շատ կլարվենք, քան կհանգստանանք: Մարդիկ չեն ուզում մեկ շաբաթ հանգստանան, իսկ Ռուբինյանն այդտեղ բարձրագույն կրթություն է ստացել: Պատկերացրեք Ռուբինյանի ներքին համոզմունքներն ու մտածելակերպն ինչպիսին են: Հետեւաբար, սպասել, որ Ռուբինյանը` Նիկոլի թիմի ամենակարկառուն դեմքերից մեկը, կարող է հանդես գալ ազգային դիրքերից, իհարկե, միամտությունն է: Էլի եմ ասում` Ռուբինյանն իրականում սադրում է Ադրբեջանի հետ բախում, որովհետեւ իրենց տերերին պետք է այդ բախումը: Պետք է, որպեսզի Ադրբեջանը հարձակվի Հայաստանի վրա` «Զանգեզուրի միջանցքը» եւ «անկլավները» վերցնելու նպատակով: Դրա համար այսօր հանձնարարված է տարբեր ռուբինյաններին տարբեր հարթակներում սադրել Ադրբեջանին: Հենց սա է պատճառը, որ Նիկոլը չգնաց Բիշքեք` ԱՊՀ պետությունների ղեկավարների խորհրդի նիստին:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտե՛ք տեսանյութում.

Այս թեմայով «Բենզին հողի դիմաց» օպերացիա. ԸՆԿԵՐ ՓԱՆՋՈՒՆԻ Բռնությունը չունի արդարացում, մեղավոր է բռնարարը․ բլոգեր Հայկ Մկրտչյանը անդրադարձել է Մարի Պետրոսյանի սկանդալային միջադեպին Ուկրաինայից Թուրքիա բեռներ տեղափոխող թուրքական նավը գրոհել է կամիկաձե անօդաչուն (Տեսանյութ) «Ժողովուրդ». Հայկ Կոնջորյանի` շքեղ առանձնատան աղմկահարույց պատմությունը նոր զարգացում ունի «Իրավունք». «Ազգային առաջընթաց»-ի բացահայտ հետընթացը