Տաթեւիկ Վիրաբյանն օտարահպատակ ռեժիմի դեմ պայքարի հետեւանքով բանտում գտնվող միակ կին քաղբանտարկյալն է. Վարդանյան

Ներքաղաքական 15 Հոկտեմբեր, 2023 23:22

«Սկզբում նրան զրկեցին եղբորից, հետո տնից, հետո հայրենիքից, հետո ազատությունից, հիմա արդեն առողջությունից են ցանկանում զրկել, բայց նա, հակառակ այս ամենին, կորցրած լինելով մարդու կյանքում թվարկածս ամենակարեւորից ու թանկից՝ կարողանում է իր մեջ ուժ գտնել ու թեկուզ բանտում շարունակել պայքարել սեփական ժողովրդի ազգային արժանապատվության ու իրավունքների համար։ Տաթեւիկ Վիրաբյանն այս պահին օտարահպատակ ռեժիմի դեմ պայքարի հետեւանքով բանտում գտնվող միակ կին քաղբանտարկյալն է, ով, գիտակցաբար շատ զոհողությունների գնալով, պայքարում է նաեւ սեփական ժողովրդի ճակատագրի նկատմամբ անտարբեր շատ տղամարդկանց հայրենիք ունենալու իրավունքի համար», - գրել է ՀՅԴ ԳՄ անդամ ԳԵՐԱՍԻՄ ՎԱՐԴԱՆՅԱՆԸ։

Հիշեցնենք, որ Տաթեւիկ Վիրաբյանի փաստաբան Արսեն Բաբայանը տեղեկացրել էր, որ երեկ ուշ երեկոյան կտրուկ վատացել է իր պաշտպանյալի առողջական վիճակը։ Այնքան է վատացել, որ նա խցում ուշագնաց է եղել։ Բժշկական միջամտությամբ՝ Տաթեւի վիճակը կայունացել է, այժմ նա գտնվում է քրեակատարողական հիմնարկի բժիշկների հսկողության տակ։ Բժիշկը որոշել է ներգրավվել հոգեբանի։ Դիմել են նաեւ ՄԻՊ-ի արագ արձագանքմանը եւ ստացել անհրաժեշտ միջամտություն։

Այս թեմայով

Արցախյան գեներալիտետից ոչ մեկ մոտ չի գալիս. Ինչ են պլանավորում արցախահայերը

Վեճ՝ արցախցիների հարցով քննարկման ընթացքում․ ՔՊ-ն լքեց դահլիճը․ «Չեմ հասկանում՝ ով է հարցը լուծելու»

Մեկ ընդդիմադիր համայնքապետ ասեք, որ ընտրվել է ու չի հետապնդվել․ Քրիստինե Վարդանյան

ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է

Անբարոյական մոտեցում է, եթե ՊՆ նախարարը գտնում է, որ բանակի ողբերգական դեպքերում իր մեղքը չկա