Քարդաշյանը դիմել է իր հրեա ընկերներին եւ կրկին բարձրաձայնել Արցախի խնդրի մասին

Քիմ Քարդաշյանը Ինստագրամի իր էջում դիմել է հրեա ընկերներին ու նշել, որ այս բարդ ժամանակներում նրանք միայնակ չեն:

«Սիրտս ցավում է, երբ տեսնում եմ, թե ինչպես են երեխաները եւ ընտանիքներն ամբողջ աշխարհի աչքի առաջ ահաբեկվում եւ սպանվում: Դաժան ահաբեկչությունն անմեղ կյանքեր է խլում, Իսրայելի եւ Պաղեստինի քաղաքացիները տառապում են՝ վճարելով ամենաթանկ գինը»,- նշել է Քարդաշյանը:

Նա խոստովանել է, որ որպես հայուհի՝ չափազանց զգայուն է այդ թեմաների հանդեպ, քանի որ տարիներ շարունակ խոսել է Հայոց ցեղասպանության մասին. «Իսկ հիմա, ամիսներ տեւած շրջափակումից հետո՝ առանց լրատվամիջոցներում նվազագույն անդրադարձի ու արտաքին աջակցության, հայերն Արցախում էթնիկ զտման զոհ դարձան: Այս պահին էլ նրանք շարունակում են տառապել հումանիտար ճգնաժամի պատճառով, դեռ կան գերեվարվածներ ու անհետ կորածներ»:

Քարդաշյանը նշել է, որ իր ընտանիքն աղոթում է բոլորի եւ խաղաղության համար.«Այն, ինչ մենք կարող ենք անել, հասնելն է բոլոր նրանց, ովքեր տառապում են, եւ կապ չունի՝ ում կողմից եք»:

https://bravo.am/news/77682

Այս թեմայով Ոչ մի բանից բացարձակապես վախենալու չունեմ. Արտյոմ Խուգոյան Ավինյանի մամուլի քարտուղարն ազատվել է աշխատանքից Արտյոմ, դու ինչո՞ւ «Լրաբեր» չես վարում Նեթանյահուն շատ լուրջ է ընդունում Էրդողանի հռետորաբանությունը՝ դրանում տեսնում է Իսրայելի ոչնչացման սպառնալիք Տարօրինակ է «Պրեգոմեշ» խանութ-սրահի ցուցափեղկին առանց թույլտվության տեղադրված գովազդային տարրի շուրջ ստեղծված աղմուկը. Արտյոմ Կարապետյան