Ի՞նչ է իրականում տեղի ունեցել Գրանադայում

Մինչ ՔՊ-ականները շղարշում էին այն, թե ինչ տեղի է ունեցել Գրանադայում, փորձագիտական շրջանակն ահազանգում էր, որ, այսպես կոչված «անկլավների» (Տավուշի, Արարատի եւ Վայոց Ձորի մարզերի մի շարք գյուղերի) հանձման հերթական իրավական ակտի հետ գործ ունենք: Վերջիվերջո, ինչ փաստաթուղթ է ստորագրել Նիկոլ Փաշինյանը Գրանադայում, ընդ որում` առանց Իլհամ Ալիեւի ներկայության, միջազգային իրավունքի մասնագետ ԱՐԱՄ ՕՐԲԵԼՅԱՆԸ փակագծեր է բացում:

— Մենք պետք է հասկանանք, որ ինչ հիմա խոսվում է, տեղի է ունեցել ոչ թե հիմա, այլ` վաղուց: Եթե համաձայնությունն ի սկզբանե նրա շուրջ է, որ Խորհրդային սահմաններով գործընթացը պետք է իրականացնենք, պարզ է, որ այդ տարածքները պետք է հետ տանք, քանի որ սա եղել է մի հոգու եւ իր «կոնստրուկտիվ» գործընկերոջ կամ գործատուի պայմանավորվածությունը: Օրինակ` Գրանադայի փաստաթղթում կետ կա՞ր, որ անհապաղ պետք է վերադարձվեն բոլոր ռազմագերիները: Առաջին կետը դա պետք է լիներ` մինչեւ մնացածը կատարելը: Դա պարտավոր էին ապահովել 2020 թ.-ի նոյեմբերի 9-ի փաստաթղթով: ՀՀ մոտեցումները միջազգային իրավական ատյաններում ոչ թե պետք է լինեն վերացական, այլ ներկայացվեն առարկայական: ՀՀ-ն հստակ պիտի արձանագրի, որ իր քաղաքացիներին գնահատում է որպես ռազմագերիներ, ոչ թե` հանցագործներ:

Այս թեմայով Ինչո՞ւ է ընդհատվել «Գայանե» բալետի ներկայացումը․ հանդիսատեսը վրդովված է Արամ Հարութունյանի մոտ աշնանային սրացումնե՞ր են Անկլավների մասին խոսելիս միշտ պետք է մտապահենք, որ անկլավների իրավական հիմքի վերաբերյալ դեռևս տեղեկություններ չունենք. Քարտեզագիր ՀՀ-ում ու Ադրբեջանում առարկայանում է այն մոտեցումը, որ անկլավ և էքսկլավ 2 կողմերում պիտի չլինի․ Փաշինյան Եթե իրենց հայտնի է՝ ովքեր են «լավ» ընդդիմադիր, թող նրանց հետ էլ համախմբվեն․ Սարգսյան