ՀՀ-ն տեր չկանգնեց իր ստորագրած փաստաթղթի պահանջներին. Շիրազ Խաչատրյան

Ադրբեջանը, Թուրքիայի «քավորությամբ», անընդհատ պահանջներ է ներկայացնում, Արցախը ստացավ ու դեռ չի բավարարվում, առաջիկայում ի՞նչ սպասել, ի՞նչ պահանջներ է Ադրբեջանը ներկայացնելու Հայաստանին ու ինչ է «պոկելու»՝ «քանի դեռ կարող եմ» սկզբունքով, «Իրավունքը» պարզել է «Հենակետ» վերլուծական կենտրոնի փորձագետ ՇԻՐԱԶ ԽԱՉԱՏՐՅԱՆԻ տեսակետը:

— Այդ պահանջները կներկայացվեն այնքան ժամանակ, քանի դեռ ՀՀ կառավարության ղեկին են մարդիկ, ովքեր անընդհատ զիջում են ու հանձնում։ Չնայած այն հանգամանքին, որ 44-օրյա պատերազմից հետո, Ադրբեջանը որպես հաղթող կողմ, բազմաթիվ պահանջներ է ներկայացրել` այս իշխանությունները ոչ միայն այդ պահանջները կատարել են, այլ տարբեր բանավոր պայմանավորվածություններով, որոշումներով, որոնք չեն եղել նոյեմբերի 9-ի եռակողմ հայտարարության մեջ, ավելի ծանր վիճակի մեջ են դրել մեզ։ Բաքուն անընդհատ պահանջողի դերում է, մինչդեռ նոյեմբերի 9-ի փաստաթղթով ինքն էլ մի շարք պարտավորություններ ունի, որոնք արդեն 3 տարի է` չի կատարել: Երեք տարվա ընթացքում Ադրբեջանը տարբեր ժամանակափուլերում ռազմական էսկալացիաների է դիմել Արցախի եւ Հայաստանի սահմանների ուղղությամբ, ՀՀ հարյուրավոր քառակուսիկիլոմետրանոց տարածքներ անցել են նրանց վերահսկողության տակ, իսկ այն, ինչ տեղի ունեցավ Արցախում, նույնիսկ ասելու չէ: ՀՀ-ն տեր չկանգնեց իր ստորագրած փաստաթղթի պահանջներին, դրա համար էլ ունենք հետեւյալ տխուր պատկերը: Ադրբեջանի մոտեցումներն առավելապաշտական են, նա Արցախում ժամանակավոր իր խնդիրները լուծեց, հիմա անցավ անկլավներին, դրանից հետո միջանցքի հարց կբարձրացնի, փախստականների վերադարձի հարց, փոխհատուցումներ ստանալու պահանջ եւ այդպես շարունակ: Որքան այս իշխանությունները շարունակեն զիջել, այնքան նոր նախապայմաններ ու պայմաններ առաջ կքաշեն թուրքերն ու ադրբեջանցիները:

Ս. ԱՍԱՏՐՅԱՆ

Հ.Գ.- Հարցազրույցի շարունակությունը կարդացե՛ք թերթի առաջիկա համարներից մեկում:

Այս թեմայով Ի՞նչ լավ բան կարող ենք սպասել, սրանց ձեռքերը մինչեւ արմունկներն արյան մեջ են. Այվազյան Արթուր Խաչատրյան. «Ալիևն ասում ա՝ իմ հետ մրցանակ ստացած ընկերոջս եթե չընտրեք, պատերազմ կլինի» Ասել, որ ՀՀ-ով է անցնում Արևելք-Արևմուտք կարճ ուղին, նույնն է ասել, թե Ադրբեջանով ու Թուրքիայով Ադրբեջանի տարածքով երկաթուղով Հայաստան կհասնի պարարտանյութի նոր խմբաքանակ Զելենսկին թռավ դեպի Երևան՝ մեր ՀՕՊ-ի և սահմանապահների միջով անցնելով. Ռուսական փորձագետ