Ռուսական աղբյուրները խարդախությունից մեջ մեղադրվող հային ներկայացնում են որպես ՌԴ-ից հանցավոր մեխանիզմով կանխիկ գումար հանած անձի

Ռուսական տելեգրամյան ալիքները նոր մանրամասներ են հայտնում հայազգի գործարարների մասնակցությամբ քրեական գործի մասին:

Քրեական գործը հարուցվել է 2023թ. սեպտեմբերի 15-ին, որի համաձան գործազուրկ Գագիկ Գուլակյանը 27-ամյա գեղեցկուհուն` Վալերիա Ֆեդյակինային մոտ 7 մլրդ կանխիկ ռուբլի է տվել` «ներդրումների համար», բայց աղջիկը չարաշահել է վստահությունն ու գումարը հափշտակել:

Հանցագործության մասին հաղորդումը ներկայացվել է 2023 թվականի սեպտեմբերի 14 -ին ու հաջորդ օրն առավոտյան քրեական գործն արդեն հարուցվել է:

Հանցագործության մեխանիզմն, իբր, աշխատել է հետեւյալ կերպ` Գագիկ Գուլակյանը, իբր, Վալերիա Ֆեդյակինային կանխիկ ռուբլի է փոխանցել Մոսկվայում, իսկ Գուլակյանի ընկեր և գործընկեր Վահրամ Ստեփանյանը Ֆեդյակինայից համապատասխան գումարն ստացել էմիրաթական դիրհամներով՝ ԱՄԷ-ի տարածքում։

Եթե քրեական գործ հարուցելու որոշման մեջ ասվում է, որ 6,7 մլրդ ռուբլին Գուլակյանի կողմից փոխանցվել է «Բիտմամային» - ին 06.09.2023-ից մինչև 11.09.2023-ն ընկած ժամանակահատվածում, ապա իրականում վերը նշված սխեման հաջողությամբ աշխատել է 2023 թվականի ապրիլից, իսկ դրա հիմնական շահառուները, ամենայն հավանականությամբ, Գուլակյանն ու Ստեփանյանն են եղել։

Ռուսական լրատվամիջոցները հայազգի գործարարին ներկայացնամ են մի մարդու, որը Ռուսաստանի Դաշնությունից, այ բարդ իրավիճակում, ինչ-որ կասկածահարույց մեխանիզմներով դրամական միջոցներ է դուրս բերել: Ու տարօրինակ համարում, որ իրենից խարդախությամբ գումար հափշտակելու հաղորդմանը իրավապահները ընթացք են տվել ու գործ հարուցել:

ВЧК-ОГПУ տելեգրամյան ալիքը խոստանում է նոր մանրամասներ հայազգի գործարարի մասին: