Տեղի ունեցող զարգացումների հանգուցալուծումը Հայաստանի համար ճակատագրական է լինելու. ադրբեջանագետ

Թեպետ Ադրբեջանի նախագահ Իլհամ Ալիեւն այդպես էլ Գրանադա չժամանեց, բայց այնտեղ է Նիկոլ Փաշինյանը: Արդյոք այն, ինչ ստորագրվեց երեկ Փաշինյանի կողմից վճռորոշ հետեւանքներ է ունենալու, թե` ոչ, «Իրավունք»-ը պարզեց ադրբեջանագետ ԳԱՌՆԻԿ ԴԱՎԹՅԱՆԻ տեսակետը:

— Ամեն դեպքում, որոշակիորեն թուղթ ստորագրվեց, բայց Ադրբեջանը լավ էր հասկացել, որ միայն ռազմական ուժով վախեցնելով` Հայաստանից կարող է պոկել մաքսիմալը, այսինքն՝ ամբողջ ՀՀ–ն կամ պետականությունը, դրա համար իրենք այս մարտավարությունն են ընտրել` հրաժարվել, իրավիճակը լարել, հետո տեսնել, որ բան չի փոխվում, Հայաստանին ստիպել ավելի մեծ զիջումների գնալ: Սա ակնհայտ եղավ սեպտեմբերին` Ջերմուկի վրա հարձակման ժամանակ, որից հետո Պրահայում ստորագրվեց թուղթ, որով ճանաչվեց Ադրբեջանի տարածքային ամբողջականությունը: Այս ամբողջը մտածված ու ծրագրված պրոցես է, սրանք պատահաբար ստացվող իրավիճակներ չեն, եւ այս պրոցեսում շատ մեծ ներգրավում ունի Նիկոլ Փաշինյանը: Նա տեղյակ է եղել ոչ միայն Արցախի վրա սեպտեմբերի 19–ին հարձակումից եւ լռելյայն համաձայնություն է տվել, այլ նաեւ ինքը շատ լավ պատկերացնում եւ տեսնում է զարգացումների հանգուցալուծումը, որը Հայաստանի համար ճակատագրական է եղել ու լինելու է:

Ս. ԱՍԱՏՐՅԱՆ

Հ.Գ.- Հարցազրույցի շարունակությունը կարդացե՛ք թերթի առաջիկա համարներից մեկում:

Այս թեմայով Երբ Փաշինյանի հետ լուսանկարը «մեղք» է, իսկ նրա գովքը՝ «հումոր» Չի կարող լինել խաղաղություն, եթե մեր հայրենակիցները բաքվի բանտում են․ Դանիելյան Նրանց անազատության մեջ գտնվելը բխում այս իշխանության շահերից. Դանիելյան Տեղի է ունենում հրեշավոր երեւույթ․ Գառնիկ Դանիելյան Գառնիկ Դանիելյանը համալրել է ՀՅԴ Հայաստանի Գերագույն մարմնի կազմը