Ռուսական համայնքի ամոթը. Սանդիկովը հրաժարվո՞ւմ է ազգանունից

«Իրավունքն» անդրադարձել էր, որ Հռոմի ստատուտին կողմ քվեարկած 60 ՔՊ-ականների շարքում եղել է նաեւ ռուսական համայնքի ներկայացուցիչ, պատգամավոր ԱԼԵՔՍԵՅ ՍԱՆԴԻԿՈՎԸ: Ընդ որում` սա այն դեպքում, որ թե՛ Հայաստանում ռուսական համայնքի բազմաթիվ ներկայացուցիչներ են վրդովված, որ խորհրդարանը վավերացրել է այս նախագիծը, թե՛ Ռուսաստանում ամենաբարձր մակարդակով մատնանշում են, որ սա իր լրջագույն բացասական հետեւանքներն է ունենալու հայ-ռուսական հարաբերությունների վրա:

Ի վերջո, ինչո՞ւ Ա. Սանդիկովը գնաց այդ քայլին, փորձեցինք պարզել անձամբ նրանից: Բայց, արի ու տես, որ սույն պատգամավորը տպավորություն է թողնում, որ ոչ միայն հայ-ռուսական հարաբերություններից, անգամ սեփական ազգանունից է հրաժարվել: «Պարոն Սանդիկով, պարոն Սանդիկով…»,– ուղիղ դեմ դիմաց իրեն դիմելով` «Իրավունքը» փորձեց պարզաբանում ստանալ նրանից, բայց ինչպես պատը, այնպես էլ Սանդիկովը մնաց անհաղորդ:

Մտածեցինք, որ գուցե լսողության խնդիր ունի, մինչդեռ իրականում տարրական  հաղորդակցման  էթիկայի խնդիր էր: Երբ այլեւս փախչելու տեղ չկար, եւ իրենից բացի ուրիշ մարդ էլ չկար, նա վերջապես հասկացավ, որ Սանդիկովն ինքն է եւ, ուղղակի հրելով` ասաց, թե` զբաղված է: Ինչով էր զբաղված պարոն օրենսդիրը` նիստի ավարտից հետո միջանցքով մենակ քայլելիս, այդպես էլ անտրամաբանական մնաց, բայց հիշեցրեց Կարլ Մարքսին: Գերմանացի փիլիսոփան ասում էր. «Արհամարհանքն ինքն իր հանդեպ օձ է, որը հավերժ թունավորում  եւ կրծում է սիրտը, ծծելով նրա կենարար հյութը, ներարկում նրան մարդատյացություն ու հուսահատության թույն»:  

ՀՐԱՆՏ ՍԱՐԱՖՅԱՆ

Այս թեմայով Բա մի օր վեր կացեք, ասեք՝ Ալի՛և, գլուխդ պա՛տով ես տալիս, որևէ թթու խոսք նրան չեք ասում․ Խաչատրյան Ինչ պատահեց, երբ Հռոմի պապը զանգահարեց բանկի հաճախորդների սպասարկման ծառայություն Կիրանցի եկեղեցում Նիկոլ Փաշինյանին ուղեկցում է պատգամավոր Գեղամ Նազարյանը․ Լուսանկարներ Եվրոպական կառույցները Նիկոլին գերադասում են իրենց արժեքներից. Աննա Մկրտչյան Այս անգամ ՌԴ նախագահ Վլադիմիր Պուտինը նրան ասաց՝ քուանշ Նիկոլ Վովայեվիչ․ Աղազարյանը հայ-ռուսական հարաբերությունների մասին