Բացի հայից, ով մտնի Արցախ աշխարհ, միայն այնտեղ թողած հազարավոր հայերի անեծքը «վայելի». Ալլա Հակոբյան

«Անիծվե՛ք, նենգ սրիկաներ... Արցախահայությունը ենթարկվում է ԲԱՑԱՀԱՅՏ ԷԹՆՈՑԻԴԻ, եւ սա դեռ ամենամեղմ տերմինն է, իսկ երկիրը ավերակների հասցրածներն իրենց երազանքների մասին ահա թե ինչ են գրում Նիկոլի թերթում: «Ռուսաստանը ՄԻԱՆՇԱՆԱԿ ԳՆՈՒՄ Է հարավային Կովկասից: Ինչ գին ենք մենք վճարում դրա դիմաց, իհարկե, ցավալի է, բայց Հայաստանի Հանրապետությունը՝ ինքնիշխան, ժողովրդավարական, իրավական, սոցիալական պետություն կերտելու եւ տեսնելու մեր երազանքն ավելի քան մոտ է իրականություն դառնալուն: Կեցցե Հայաստանի Հանրապետությունը», - նշում է նա: Կարդում ենք «Հայկական Ժամանակ» թերթի սեպտեմբերի 26-ի համարում: Այդ «նա» կոչեցյալը, ինչպես նշում է նույն թերթը, «քաղաքական գործիչ Գարեգին Միսկարյան»-ն է:

Բացի թրքահպատակ սրիկաների, 2018-ից սեւ օրեր են կախվել թե՛ Արցախի Հանրապետության, թե՛ Հայաստանի Հանրապետության բոլոր ազգանվեր հայերի գլխին, սակայն, սրանք դեռ բարբաջում են. «ինքնիշխան, ժողովրդավարական, իրավական, սոցիալական պետություն» ստեղծելու մասին... Եվ ինչպես մադլեն օլբրայթն առանց խղճի խայթի միլիոնավոր զոհերի համար չէր զղջում, ավելին, ասում էր, որ դրանք ԱՐԴԱՐԱՑՎԱԾ զոհեր էին, այնպես էլ սրանք՝ 2020-ի 40 000, եւ այժմ էլ 120 000 արցախահայության ՊԱՐՏԱԴՐՎԱԾ տեղահանությունը նորմալ են համարում... Կարեւորը «ռուսը ստեղ չի՛ ըլնի» սկզբունքով, սրանք թքած ունեն ՀԱԶԱՐԱՎՈՐ մարդկանց ճակատագրերի վրա... Նզովք ու անեծք բոլորի՛դ... Թուրքի չարոխը կուռք սարքած, թրքահպատակ կռապաշտներ... Բացի ՀԱՅԻՑ ով մտնի ԱՐՑԱԽ ԱՇԽԱՐՀ միայն այնտեղ թողած հազարավոր հայերի ԱՆԵԾՔԸ «վայելի», -շեշտել է գրող, հրապարակախոս ԱԼԼԱ ՀԱԿՈԲՅԱՆԸ: