ԶԱՐՄԱՆՔ

­Յա՜խք... Իսկ ա­վե­լի ճիշտ` ԱԽՔ: Այս­պի­սի զար­մա­նա­լի տա­վա­րութ­յուն, ինչ­պի­սին է «ՎՃՌԱ­ԿԱՆ ՓՈԽ­ԶԻ­ՋՈՒՄ­ՆԵ­ՐԸ» լսած կա՞ք: Դա նար­կո­մա­նի հա­լու­ցի­նա­ցիա­ներ չեն, այլ տխրահռ­չակ Շառլ Մի­շե­լի խոս­նա­կի տա­րա­ծած տեքս­տի բաղ­կա­ցու­ցիչ մաս. «Գ­րի­գոր­յա­նը և Հա­ջի­ևը բա­նակ­ցութ­յուն­ներ են վա­րել ա­ռա­ջի­կա հնա­րա­վոր հան­դիպ­մա­նը հայ­–ադր­բե­ջա­նա­կան խա­ղաղ գոր­ծըն­թա­ցի ա­ռաջմղ­ման հնա­րա­վոր կոնկ­րետ քայ­լե­րի շուրջ, ինչ­պի­սիք են սահ­ման­նե­րի դե­լի­մի­տա­ցիան, անվ­տան­գութ­յու­նը, կա­պը, հու­մա­նի­տար հար­ցե­րը և խա­ղա­ղութ­յան ա­վե­լի լայն պայ­մա­նա­գի­րը: Անհ­րա­ժեշտ են կոնկ­րետ գոր­ծո­ղութ­յուն­ներ և վճ­ռա­կան փոխ­զի­ջու­մա­յին լու­ծում­ներ կար­գա­վոր­ման գոր­ծըն­թա­ցի բո­լոր ուղ­ղութ­յուն­նե­րով։ ԵՄ–ն կար­ծում է, որ Գ­րա­նա­դա­յում հնա­րա­վոր հան­դի­պու­մը պետք է օգ­տա­գործ­վի ինչ­պես Ե­րե­ւա­նի, այն­պես էլ Բաք­վի կող­մից տա­րած­քա­յին ամ­բող­ջա­կա­նութ­յա­նը և միմ­յանց ինք­նիշ­խա­նութ­յա­նը ի­րենց հանձ­նա­ռութ­յու­նը հրա­պա­րա­կայ­նո­րեն հաս­տա­տե­լու հա­մար՝ ա­վե­լի վաղ Պ­րա­հա­յում և Բր­յու­սե­լում ձեռք բեր­ված պայ­մա­նա­վոր­վա­ծութ­յուն­նե­րի հա­մա­ձայն»: Տո զահ­րու­մար ձեզ... Չ­նա­յած ե­թե 3 տա­րի ա­ռաջ հա­մաշ­խար­հա­յին ա­ռաջ­նորդ­նե­րից մե­կի թեթև ձեռ­քով կա­պի­տուլ­յանտ Նի­կո­լը փաս­տա­ցի կնքվեց «քա­ջա­րի հո­ղա­տու», ո­րը «դա­վա­ճան չէ», էլ ԼԳԲՏ սի­րող Շառլ Մի­շե­լի վրա ին­չո՞ւ ենք զար­մա­նում...

Ե­թե կա­պի­տուլ­յան­տը չի հայտ­նում, թե ինչ է խո­սել իր թուրք «պա­պա­յի» հետ, ա­պա, ինչ­քան էլ զար­մա­նա­լի լի­նի, դա կա­րե­լի է հարց­նել թուր­քից:  Թուր­քիա­յի նա­խա­գահ ԷՐ­ԴՈ­ՂԱ­ՆԸ Նա­խիջ­ևա­նից վե­րա­դառ­նա­լիս հայտ­նել է՝ ինչ է սեպ­տեմ­բե­րի 11–ի հե­ռա­խո­սազ­րույ­ցում ա­սել Նի­կո­լին: Էր­դո­ղա­նը հայ­տա­րա­րել է Ադր­բե­ջա­նի և Հա­յաս­տա­նի հա­րա­բե­րութ­յուն­նե­րում ա­ռա­ջըն­թա­ցի անհ­րա­ժեշ­տութ­յան մա­սին. «44–օր­յա պա­տե­րազ­մից հե­տո հնա­րա­վո­րութ­յուն­նե­րի նոր պա­տու­հան է բաց­վել տա­րա­ծաշր­ջա­նում մշտա­կան խա­ղա­ղութ­յուն և կա­յու­նութ­յուն հաս­տա­տե­լու հա­մար։ Մեր կար­ծի­քով՝ այս հնա­րա­վո­րութ­յու­նը պետք է գնա­հա­տել։ Մենք ակն­կա­լում ենք, որ Հա­յաս­տա­նը կդրսևո­րի ու­ժեղ կամք՝ գոր­ծըն­թա­ցը ձգձգե­լու փո­խա­րեն։ Այս ակն­կա­լի­քը ես հայտ­նել եմ նաև Հա­յաս­տա­նի վար­չա­պետ պա­րոն Նի­կոլ Փա­շին­յա­նին, ո­րի հետ սեպ­տեմ­բե­րի 11–ին հե­ռա­խո­սով խո­սել եմ»։ Այ­սինքն` ե­թե Նի­կո­լը ձգի, ա­պա ին­քը Նի­կո­լի ա­կանջ­նե­րը կձգի: Էր­դո­ղա­նը հայ­տա­րա­րել է, որ ի­րենք չեն տես­նում որ­ևէ խնդիր, ո­րը չի կա­րող լուծ­վել, ե­թե հարգ­վեն Ադր­բե­ջա­նի տա­րած­քա­յին ամ­բող­ջա­կա­նութ­յու­նը, ինք­նիշ­խա­նութ­յու­նը: Հի­մա հարց` այդ «տա­րած­քա­յին ամ­բող­ջա­կա­նութ­յան» մեջ նկա­տի ու­նի՞ «Արևմտ­յան Ադր­բե­ջան» կո­չեց­յա­լը:

ԱՄՆ Սե­նա­տի ար­տա­քին հա­րա­բե­րութ­յուն­նե­րի հանձ­նա­ժո­ղո­վի նա­խա­գահ ԲՈԲ ՄԵ­ՆԵՆ­ԴԵ­ՍԸ մի խումբ դե­մոկ­րատ և հան­րա­պե­տա­կան կոնգ­րե­սա­կան­նե­րի հետ ներ­կա­յաց­րել է «Հա­յե­րին Ադր­բե­ջա­նի ագ­րե­սիա­յից պաշտ­պա­նե­լու մա­սին» օ­րի­նա­գի­ծը, և ԱԺԲ­–ա­կան­նե­րը հրճվան­քով ա­մե­րիկ­յան դրոշ­ներ են ծա­ծա­նում: Մինչ­դեռ քա­ղա­քա­գետ Վա­հե Դավթ­յա­նը փաս­տում է, որ զար­մա­նա­լիո­րեն «Միաց­յալ Նա­հանգ­նե­րը Հա­յաս­տա­նին հեռ­վից կոն­ֆետ են ցույց տա­լիս: Ա­վե­լի շուտ՝ կոն­ֆե­տի թուղ­թը»: Օ­րի­նագ­ծով նա­խա­տես­վում է 2024–2026 թթ. տա­րե­կան Հա­յաս­տա­նին տրա­մադ­րել $650 մլն­ է­ներ­գե­տիկ ո­լոր­տի զար­գաց­ման նպա­տակ­նե­րով: Քա­ղա­քա­գե­տը շեշ­տում է. «Փաս­տա­ցիո­րեն Միաց­յալ Նա­հանգ­նե­րը ցույց են տա­լիս՝ ինչ գին են պատ­րաստ վճա­րել Հա­յաս­տա­նի աշ­խար­հա­քա­ղա­քա­կան վեկ­տո­րի փո­փո­խութ­յան, ՀԱՊԿ­–ից ու ԵԱՏՄ­–ից դուրս գա­լու, հա­կա­ռու­սա­կան ու հա­կաի­րա­նա­կան պլաց­դարմ դառ­նա­լու դի­մաց: Ա­վե­լին՝  սա Ս­յու­նի­քով մի­ջանց­քի բաց­ման գինն է՝ հաշ­վի առ­նե­լով, թե ինչ մեծ նշա­նա­կութ­յուն կա­րող է ու­նե­նալ այս­պես կոչ­ված «Զան­գե­զուր­յան մի­ջանց­քը» Եվ­րո­պա–­Կով­կաս–Ա­սիա է­նեգտ­րանս­պոր­տա­յին դի­վեր­սի­ֆի­կաց­ման հա­մար»: Դե ինչ, միայն բիզ­նես և­ անձ­նա­կան ո­չինչ:

Զարմացած է ՀՈՎՀԱՆՆԵՍ ԳԱԼԱՋՅԱՆԸ