Եվրամիության դրամաշնորհով «բարեփոխված» ոստիկանությունը. Լիլիթ Գալստյան

Հետո սկսվում է իրենց բնորոշ որսը․ խաչմերուկում որեւէ մեկը չկա․ բայց հանձնարարված է․ խաչմերուկից տասնյակ մետր հեռու գտնվող մայթերից՝ բիրտ, կենդանական վարքով մարդ են առեւանգում, «վնասազերծում»։ Տղաները աշխատում են։ Իրականում, պատկերը թե զավեշտական է, թե՝ ողբերգական․․․ Սա ամենաթողություն է, սա անսահման ցինիզմ է ՀՀ քաղաքացու եւ ՀՀ օրենսդրության նկատմամբ, սա պետության նվաստացում է․․․ Սրանք հետո զարմանում են, որ իրենց բորենի, յաշմա կամ ենիչերի են անվանում։

 

Այս պատկերը վերջին օրերին համատարած էր, ցավոք, ինչպես միշտ, գնալով բիրտ ու վայրի․․․ Եվ սա միջազգային եւ հատկապես Եվրամիության դրամաշնորհով «բարեփոխված» ոստիկանությունն է։ Իսկ Եվրամիության գրասենյակը, միջազգային կազմակերպություններն ու հատկապես արեւմտյան դեսպանատները լռում են։ Հիմա իրենց սա է ձեռնտու․․․ժողովրդավարությունն էլ հիմարների համար խայծ էր, փողեր լվանալու թեմա։ Լռում եք, որովհետեւ ժողովրդավարությունն ընդամենը քող էր Հայաստանը դավաճանելու ու Արցախը ծախելու համար։ Ձեզ հաջողվեց, պարոնայք․․․ Դուք, այստեղ պարարտ հող ունեք, որովհետեւ ձեր գարշելի ծրագրերը կյանքի կոչող Նիկոլ եք բուծել, նրա բռնապետությունը պահող ոստիկանություն, ու նրան հավատացող, թունավորված ու մոլորյալ ամբոխ։ Սա այնքան ակնհայտ է։

 

Եվ, այնուամենայնիվ, ջոմարդյաններ, մեսրոպներ, սեւ ու կարմիր բերետավորներ, ասֆալտին փռելու ու ասֆալտ ուտացնելու Նիկոլի հրանգն այդքան թանկ է՞ խղճից, սպայի երդումից, Հայրենիքի ապագայից, բորենի ու ենիչերի պիտակվելուց․․․ Իսկապե՞ս, ոհմակով շրջելն ու հայ մարդուն գետնին ծփելը ձեզ «ո՞ւժ» է տալիս, հպարտությո՞ւն թե՞ ինքնավստահություն․․․Փորձեք մենակ ուժեղ լինել, տեսակով ու բովանդակությամբ ուժեղ․․․ Ձեզ՝ ինձ կամ որեւէ քաղաքական ուժի սատարելու կոչ չեմ ուղղում, իմ խոսքը մարդ լինելու ու Հայրենիքին ծառայելու մասին է։ Դուք, ինքներդ ձեր հետ մենակ չե՞ք մնում, չե՞ք առերեսվում մեր ողբի ու ցավի հետ, չե՞ք տեսնում, թե ում եւ ինչին եք ծառայում։ Այդպիսի մի «ծառայող» էլ կար՝ ՊՊԾ պետ Սարգիս Հովհաննիսյանը․․․ Նաեւ հիշեք, որ Նիկոլից հետո այնուամենայնիվ կյանք կա․․․», - գրել է ԱԺ «Հայաստան» խմբակցության պատգամավոր, ՀՅԴ ԳՄ անդամ ԼԻԼԻԹ ԳԱԼՍՏՅԱՆԸ եւ, որպես հետգրություն՝ հավելել. «Ամեն ինչ անելու եմ, որ մաքրվող Հայաստանում այսպիսի բովանդակությամբ ոստիկանություն չլինի, որ հայ մարդը ոստիկանական համազգեստ կրողից չնողկա․ դուք ամեն ինչ անում եք, որ այդպես լինի։ Հիշեք նրանց....»: