ՔՊ-ականներն անձամբ են հակառուսական ակցիա իրականացնում ՌԴ դեսպանատան դիմաց

Ստեղծված գերլարված իրավիճակում այս օրերին ՌԴ դեսպանատան դիմաց ակցիա իրականացնողների կազմակերպիչներից գլխավոր դերերում է ո՛չ ավել, ո՛չ պակաս Արմավիր խոշորացված համայնքի «Քաղաքացիական պայմանագիր» խմբակցության ավագանու անդամ ԴԱՎԻԹ ՀՈՎՀԱՆՆԻՍՅԱՆԸ: Նա հանրությանն առավել հայտնի է նրանով, որ ժամանակին եղել է «Հայելի» ակումբի վրա հարձակված եւ հավկիթներ նետած 4 անձանցից մեկը:

Ուշագրավ է այն, որ Դ. Հովհաննիսյանը դեսպանատան դիմաց փորձում է մարդկանց հավաքել` իբրեւ տեղահանված արցախցիների համար հագուստ հավաքելու նախաձեռնությամբ են հանդես գալիս: Մինչդեռ տեղում կանգնած են «Դավաճա՛ն, Ռուսաստան» պաստառներով: Զարմանալիորեն որեւէ մեկը հարց չի տալիս, թե ինչո՞ւ իշխող կուսակցության ներկայացուցիչն ակցիան չի իրականացնում, օրինակ, ՀՀ աշխատանքի եւ սոցիալական հարցերի նախարարության առջեւ` պահանջելով, որպեսզի կազմակերպեն եւ ապահովեն տեղահանված արցախահայությանը` հագուստով ու օթեւանով: Կամ, որպես ավագանու անդամ, նման նախաձեռնությամբ հանդես չի գալիս հենց ինքը` Արմավիր համայնքում: Իհարկե, հարցերը հռետորական են, որովհետեւ ամեն ինչ պարզ դարձավ տեղում:

Հակառուսական պաստառներով ակցիա իրականացնողները, երբ տեսան, որ դեսպանատան դիմաց հավաքվում են մարդիկ, որոնք եկել էին հարգանքի տուրք մատուցելու Արցախում զոհված ռուս խաղաղապահների հիշատակի առաջ` ասում էին, թե հեսա կզանգեն եւ «Հանրապետություն» կուսակցության ավագանու անդամ Անի Խաչատրյանը մարդ կուղարկի, որ իրենք ավելի շատ լինեն:

ՀՐԱՆՏ ՍԱՐԱՖՅԱՆ

Այս թեմայով «Սրբապիղծնե՛ր, շատ լավ երևում է, թե որտեղից է փչում այդ թունավոր քամին». հերոսի հոր` Արտակ Հովհաննիսյանի գրառումը ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է» ՀՐԱՏԱՊ. Վարդանի շուրջ 19-ամսյա կալանքը նշանակում է արդեն հարյուր հազարավոր դոլարների հանրային միջոցների ծախս Արարատում ծեծկռտուքի գործով կալանավորվել է Մասիսի նախկին քաղաքապետ Դավիթ Համբարձումյանի եղբայրը. Armlur Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը