Արցախի թեմի առաջնորդը հանդիպել է Քերոլայն Քոքսին (armchurchnews)

Արցախի թեմի առաջնորդ Գերաշնորհ Տեր Վրթանես եպիսկոպոս Աբրահամյանը հանդիպել է բարոնուհի Քերոլայն Քոքսին եւ Միջազգային Քրիստոնեական համերաշխություն (CSI) քրիստոնեական իրավապաշտպան կազմակերպության եւ Մարդասիրական օգնություն բարեգործական կազմակերպության (HART-Humanitarian Aid Relief Trust) անդամներին։

 

Հանդիպմանը ներկա է եղել նաեւ Արցախի Հանրապետության նախագահի խորհրդական, հատուկ հանձնարարությունների գծով ներկայացուցիչ Ազատուհի Սիմոնյանը: Սրբազան Հայրն իր օրհնանքի եւ երախտիքի խոսքերն է փոխանցել Արցախի ժողովրդի հավատարիմ բարեկամ բարոնուհի Քերոլայն Քոքսին եւ բոլոր ներկաներին՝ Արցախի հարցով մտահոգված լինելու համար:

 

Հյուրերն իրենց հետաքրքրությունն են արտահայտել Արցախի օկուպացված պատմամշակութային հուշարձանների ճակատագրով, Հայ Առաքելական եկեղեցիների պղծումով եւ Ադրբեջանի կողմից եկեղեցիների աղվանացման քաղաքականությամբ: Քննարկվել են Արցախի թեմի հետ հետագա համագործակցության եւ հումանիտար աջակցության ծրագրերի գործադրմանն ուղղված հարցեր:

 

Աղբյուրը՝ armchurchnews: