Կոչ եմ անում ամեն գնով չմասնակցել կապիտուլյանտ իշխանությունների կազմակերպած որեւէ երթի կամ հավաքի. Թադեւոսյան

Հրահանգված է ղեկավար կազմին՝ հնարավորինս շատ աշխատակիցների մասնակցություն ապահովել: Նաեւ փորձել են հանրության աչքին չերեւալու համար աշխատակիցներին հանձնարարել, որ հնարավորինս ազատ ոճի հագուստով ներկայանան աշխատանքի, որպեսզի երթի եւ հանրահավաքի ժամանակ աչք չծակեն:

 

Միաժամանակ աշխատակիցներին ասվել է, որ այսօր կարող են աշխատանքը մեկ ժամ շուտ վերջացնել եւ ժամանակին լինել պահանջված վայրում, իսկ հակառակ դեպքում՝ խոստացել են, որ հետագայում գոնե աննկատ չի մնա իրենց չմասնակցությունը:

 

Երեւանի քաղաքապետարանի իմ նախկին գործընկերներին կոչ եմ անում ամեն գնով չմասնակցել կապիտուլյանտ իշխանությունների կողմից կազմակերպված որեւէ երթի կամ հավաքի, միաժամանակ հիշեցնում եմ, որ Ձեր իրավունքներն ու պարտականություններն ամրագրված են «Համայնքային ծառայության մասին» ՀՀ օրենքով»,- Երեւանի քաղաքապետարանի աշխատակազմի անշարժ գույքի կառավարման վարչության մասնագետ, ՀՀԿ-ական Նարեկ Թադեւոսյանը: