Համազգայինի հոբելյանը կնշանավորվի հավաքական մեծ ցուցահանդեսով

Սեպտեմբերի 14-ին, ժամը՝ 19։00-ին ՀԲԸՄ հայաստանյան ցուցասրահում տեղի կունենա Համազգային Հայ Կրթական և Մշակութային Միության «Լյուսի Թութունճեան» ցուցասրահի կողմից նախաձեռնած հայաստանցի, սփյուռքահայ, արաբ և եվրոպացի մի խումբ  գեղանկարիչների և քանդակագործների հավաքական ցուցահանդեսը, որը նվիրված է Համազգայինի հիմնադրման 95-ամյա հոբելյանին։

Համազգային Հայ Կրթական և Մշակութային Միության «Վահե Սեթեան» հրատարակչատան և «Լյուսի Թութունճեան» ցուցասրահի տնօրեն ՀԱԿՈԲ ՀԱՎԱԹԵԱՆԻ հավաստմամբ` այս ցուցահանդեսը կարևոր նշանակություն ունի, քանի որ կազմակերպվում է Համազգայինի 95-ամյակի հոբելյանական հանդիսությունների շրջանակում և Հայաստանի ցուցահանդեսին հաջորդելու է նույն ցուցադրությունը Լիբանանում։ Ցուցահանդեսին մասնակցության սկզբունքն այն է, որ անցնող 12 տարիների ընթացքում Համազգայինի հետ համագործակցած արվեստագետները մեկ հարկի ներքո ներկայանան իրենց աշխատանքներով։

«Լյուսի Թութունճեան» ցուցասրահը հիմնվել է 2009 թվականին Համազգայինի«Վահե Սեթեան» հրատարակչատան նախաձեռնությամբ։ Անցնող 12 տարվա ընթացքում ցուցասրահը կազմակերպել է 135 անհատական և հավաքական ցուցահանդեսներ, հյուրընկալել է Հայաստանից, Արցախից, Լիբանանից և Եվրոպայից հայ և մի շարք արաբ ու եվրոպացի արվեստագետների։

Հայաստանյան ցուցադրությունը կշարունակվի մինչև սեպտեմբերի 18-ը։

Այս թեմայով Նարիմանյանը պատրաստ է պատմել ողջ իրականությունը, որից հետո Խորխոռունու գործը նոր ընթացք կստանա «Փաստ». Նույնիսկ ԵԽԽՎ-ում չեն կարողացել մինչև վերջ «աչք փակել» հայաստանյան ընտրակեղծիքների վրա «Ժողովուրդ». ԱԳՆ մամուլի խոսնակին բարձրագույն դիվանագիտական աստիճան է շնորհվել. Սա է հայաստանյան դիվանագիտությունը «Եհովայի վկաներ» կազմակերպության հայաստանյան գրասենյակը բացահայտում է մարզահամերգայինում տեղի ունեցած համաժողովների նպատակը Հայաստանյան ծաղիկների ներմուծումը Վրաստան աճել է՝ Ռուսաստանի շուկայի փակվելուց հետո