Համաղետը չկանխվելու դեպքում ամբողջ պատասխանատվությունը անձամբ Ձեր վրա է դրվում. «Կամք»-ի բաց նամակը` ՊՆ նախարարին

Հայկական Արժեքների Պաշտպանության «Կամք» հասարակական նախաձեռնությունը բաց նամակ է հղել ՀՀ պաշտպանության նախարար Սուրեն Պապիկյանին:

«Այսօր, 2023 թվականի սեպտեմբերի 8-ին ՀՀ վարչապետի աշխատակազմից ստացել ենք պատասխան, որ սեպտեմբերի 7-ին մեր ներկայացրած դիմումով բարձրացված հարցերի քննարկումը գտնվում է Պաշտպանության նախարարության իրավասության շրջանակներում, ինչի կապակցությամբ մեր դիմումը վերահասցեագրվել է վերոհիշյալ գերատեսչությանը։

Հիշեցնում ենք, որ մենք 07.09.2023 թվականին, բաց նամակով դիմել էինք ՀՀ վարչապետին, ՌԴ նախագահին եւ ԻԻՀ նախագահին, հորդորելով անմիջապես Ջերմուկի մոտակայքում կազմակերպել երեք երկրների զորքերի համատեղ արտապլանային զորավարժություններ կանխելու համար թուրք-ադրբեջանական զորքերի կողմից ամեն ժամ սպասվող ՀՀ տարածքի վրա հարձակումը, որի մասին նաեւ ՀՀ վարչապետը երեկ բարձրաձայնեց ՀՀ կառավարության նիստի ժամանակ։

Ըստ ՀՀ վարչապետի աշխատակազմի կողմից ուղարկված պատասխանի, անձամբ Ձեր վրա է դրվում մեր դաշնակից պետությունների հետ համագործակցաբար հայ-ռուս-իրանական զորավարժությունների կազմակերպման հարցը եւ սպասվող աշխարհաքաղաքական համաղետը կանխելու հնարավորությունը եւ չկանխվելու դեպքում ամբողջ պատասխանատվությունը։

Լիահույս ենք, որ ոչ ուշ քան այսօր, դուք ընթացք կտաք մեր հորդորին, եւ մեր դաշնակից պետությունների՝ ՌԴ եւ ԻԻՀ Պաշտպանության նախարարների հետ կկազմակերպեք հայ-ռուս-իրանական համատեղ զորավարժություններ, որը համոզված ենք կզսպի ագրեսորի ախորժակը եւ կփրկի հազարավոր զինծառայողների կյանքեր, ինչպես նաեւ կկանխի մեր երկրի հնարավոր տարածքային կորուստները», - ասված է նամակում:

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Վահագն Ալեքսանյանի խոսքով՝ հաջորդ նկատողությունից հետո Հայկ Սարգսյանը, ենթադրաբար, ՔՊ-ից կհեռացվի ՇՏԱՊ. ՀՀ նախագահ անճանաչելիորեն փոխվել է. ՖՈՏՈ Դատարանը կարող է հրաժարվել գործը քննելուց միայն օրենքով նախատեսված հիմքով, բայց չի կարող հրաժարվել արդարադատություն իրականացնելուց Շնորհակալ եմ յուրաքանչյուրիդ՝ չլռելու, անհանգստանալու, աջակցելու և մեր կողքին լինելու համար․ Չախալյան