Անհապաղ հրավիրել ԱԺ արտակարգ նիստ. «Կամք»-ը դիմել է օրենսդիրներին

Հայկական Արժեքների Պաշտպանության «Կամք» հասարակական նախաձեռնությունը դիմել է ԱԺ նախագահ Ալեն Սիմոնյանին, «Քաղաքացիական պայմանագիր» խմբակցության ղեկավար Հայկ Կոնջորյանին, «Հայաստան» խմբակցության ղեկավար Սեյրան Օհանյանին եւ «Պատիվ ունեմ» խմբակցության ղեկավար Հայկ Մամիջանյանին, ինչպես նաեւ ԱԺ պաշտպանության եւ անվտանգության հարցերի մշտական հանձնաժողովին:

«Արդեն բոլորիս հայտնի է, որ թուրք-ադրբեջանական տանդեմը բազմահազարանոց զորքեր եւ զինտեխնիկա են կուտակել ՀՀ եւ ԱՀ սահմաններին ու նախապատրաստվում են անցնել լայնածավալ հարձակման, որի նպատակն է ՀՀ ինքնիշխան տարածքների հաշվին կյանքի կոչել իրենց վաղեմի Թուրանական երազանքը։

2023 թվականի Սեպտեմբերի 7-ի Կառավարության նիստի ժամանակ այս սպառնալիքի մասին բարձրաձայնեց նաեւ ՀՀ վարչապետ Նիկոլ Փաշինյանը:

2023 թվականի Սեպտեմբերի 7-ին մեր նախաձեռնությունը բաց նամակով դիմել է ՀՀ, ԻԻՀ եւ ՌԴ առաջնորդներին՝ անհապաղ սկսել համատեղ արտապլանային զորավարժություններ Վայոց Ձորում եւ Սյունիքում` քաջ գիտակցելով, որ նման միջոցառումը կկանխի այն աղետը, որը ժամ առ ժամ սպառնում է մեր պետությանն ու ժողովրդին։

Ելնելով վերոգրյալից` դիմում ենք նաեւ Ձեզ, անհապաղ հրավիրել ԱԺ արտակարգ նիստ ադրբեջանի սպասվող ագրեսիայի եւ հայ-ռուս-իրանական համատեղ արտապլանային զորավարժություններ անցկացնելու օրակարգով, իսկ վատագույն պարագային, առաջարկվող օրակարգը քննարկել ԱԺ նախատեսված նիստերի ժամանակ:

Այլապես, այս ուղղությամբ անգործության դեպքում  սպասվող աղետի ողջ պատասխանատվությունը կընկնի ՀՀ կառավարության եւ խորհրդարանական ուժերի վրա` այն ուժերի, որոնք այս ճակատագրական պահին կշարունակեն անտարբերությամբ նայել աշխարհաքաղաքական եւ ռազմական ազգակործան գործընթացներին», – ասված է օրենսդիրներին հղված դիմում:

Այս թեմայով ՈՒՂԻՂ․ Արցախի թեմայով ինչու է լռում ընդդիմությունը․ Հայկ Բաբուխանյան «Հրապարակ». Հայկ Սարգսյանի ճակատագիրը որոշված է Ալենին բռնենք՝ Հայկի հետ թեմա կունենանք, վսյոտակի նրա մեջքը վերեւներիցա ամուր․ՔՊ ակտիվը խճճվել է Բաբուխանյանը բարձրացրեց Արցախի օկուպացված քաղաքների հարցը «Ժողովուրդ». Այսօր կորոշեն Հայկ Սարգսյանի ճակատագիրը