Մեզ ուզում են ընդհանրապես վերացնել. Վրթանեսյան

Ռազմական փորձագետ ԿԱՐԵՆ ՎՐԹԱՆԵՍՅԱՆԻ գնահատմամբ` այսօր ոչ թե միայն անվտանգության խնդիր կա, այլեւ Հայաստանի Հանրապետության ինքնիշխանության:

— Մեզ փորձում են այսպիսի մի ընտրանք դեմ տալ, որը կեղծ ընտրանք է: Այսինքն՝ Հայաստանի ինքնիշխանություն, թե՞ Արցախ: Սա կեղծ ընտրանք է, որովհետեւ Արցախը Հայաստանի ինքնիշխանությունն ապահովող հենասյուներից մեկն է: Նույնն է, թե մարդուն ասեն՝ մի ոտքը կտրենք, որ կանգուն լինի, այդպես չի լինում: Պետք է հասկանալ, որ առանց Արցախի` Հայաստանի Հանրապետությունը շատ է թուլանում: Ընդ որում, այստեղ հարցերը շատ են՝ սկսած ջրային պաշարներից, վերջացրած Հայաստանի քաղաքական կշիռը միջազգային քաղաքական ասպարեզում: Այն, ինչ այսօր մեզ հրամցնում են իշխանությունները, որպես լուծում, իրականում թուրք-ադրբեջանական օրակարգ է:

— Պարոն Վրթանեսյան, իսկ ի՞նչ կասեք վերջին օրերին սահմաններում առկա ադրբեջանական սադրանքների մասին:

— Ես չեմ կարող ասել` կոնկրետ այդ գործողությունն ինչից ելնելով է եղել, բայց այն սադրանք չէի անվանի: Սա սադրանք չէ, այլ ադրբեջանական քաղաքականության հերթական քայլն է: Իրենք անընդհատ այս ճնշումն անելու են: Այս առումով միամտություն է ինչ-որ խաղաղություն ակնկալելը: Այն, ինչ մեզ վաճառում են որպես, այսպես կոչված, խաղաղության օրակարգ, իրականում գերեզմանային խաղաղություն է: Այսինքն՝  գերեզմանում էլ է խաղաղ, որովհետեւ սուբյեկտներ չկան, թաղված են արդեն: Դա են մեզնից ուզում: Ուզում են, որ մենք լինենք գետնի մեջ, այլ ոչ թե լինենք իրավունքներով, թեկուզ ամբիցիաներով միջազգային իրավունքի սուբյեկտ: Մեզ ուզում են ընդհանրապես վերացնել:

Այս թեմայով Ռուսաստանը որեւէ ձևաչափով չի դադարեցնի բանակցությունների ընթացքում ռազմական գործողությունները. Լավրովը։ 2024 թվականին Պենտագոնը կտրուկ ավելացրել է Հայաստանի ռազմական ֆինանսավորումը Գերմանիայի ամերիկյան Շպանգդալեմ ավիաբազայում ռազմական ինքնաթիռ է կործանվել ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ  Ամերիկյան գերգաղտնի ռազմական բեռը սխալմամբ ուղարկվել է... Չինաստան