Անընդունելի է ժանտախտի պահին այս նախընտրական խրախճանքը. Մարինա Խաչատրյան

Երեւանի ավագանու որեւէ նախընտրական ցուցակում ավագանու նախկին անդամ, «Առողջ հանրություն» ՀԿ նախագահ ՄԱՐԻՆԱ ԽԱՉԱՏՐՅԱՆԸ չկա: Ինչո՞ւ որոշեց չմասնակցել այս ընտրություններին, «Իրավունք TV»-ի տաղավարում նա փակագծեր է բացել:

— Ինձ համար ցավալի է, որ այս օրհասական պահին ինչ-որ ընտրարշավներ են կազմակերպվում: Արցախում մենք տեսնում ենք` ինչ է տեղի ունենում, գիտենք Սյունիքի աղետալի վիճակը, Գեղարքունիքի մարզի եւ Վայոց ձորի սահմաններից երեւում են թշնամու շարժն ու կուտակումները… Ու այս իրավիճակում կազմակերպվում է ուրախ-զվարթ երգերով համեմված ընտրարշավ, չգիտես, թե ինչի՞ վրա են այս մարդիկ ուրախանում: Այո՛, իրավացի եք, ես այս անգամ, ճիշտ է, առաջարկ ստացել եմ, բայց որոշում կայացրեցի չմասնակցել ընտրություններին: Սա բացի նշածիցս ունի երկու դրդապատճառ. առաջինն իմ ծանրաբեռնվածությունն է` ե՛ւ աշխատանքային, ե՛ւ սահմամերձ շրջաններ այցելությունների առումով, բավականին հագեցած առօրյա ունեմ, երկրորդ պատճառն այն է, որ ուզում եմ իմ խոսքն ավելի հասանելի լինի մարդկանց: Երբ դու ավագանու կամ ինչ-որ մի տեղ թեկնածու ես, մարդիկ քեզ ձայն տալիս պետք է մտածեն, որ քո խոսքի հետեւում կանգնած է ձգտումը` դառնալու ավագանի, պատգամավոր եւ այլն, ես երբեւէ նման մոլուցքով չեմ տառապել: Իմ ամենբարձր կոչումը բժիշկ լինելն է, եւ ես հավատարիմ եմ իմ կոչմանը, շատերը, հավանաբար, համոզվել են դրանում: Չեմ մասնակցել ընտրություններին նաեւ այս պատճառով, որ մարդիկ լսեն իմ ձայնը` որպես անաչառ քաղաքացու: Ես ուզում եմ, որ մարդիկ սթափվեն: Անշուշտ, ընտրությունները պետք է տեղի ունենան, բայց ոչ այն ձեւաչափով, որ ուրախ-զվարթ լցվեն բակեբակ: Նաեւ չեմ կարողանում մարսել վերջերս Սիսիանում տեղի ունեցած համերգն ու սեպտեմբերի 23-ին նախատեսված թմրամոլի (նկատի ունի Սնուփ Դոգին, – հեղինակ) համերգը, որը Երեւանում է կազմակերպվում: Երբ քայլում եմ փողոցում ու տեսնում եմ համերգների պաստառներ, շունչս կտրվում է:

— Քարոզարշավի շրջանակում Կարապի լճի մոտ համերգ տվող ՔՊ-ի ավագանու թեկնածու Արթուր Իսպիրյանն ասել է, թե չգիտեր, որ այդ օրը երեք երիտասարդ է առեւանգվել Ադրբեջանի կողմից…

— Համոզված եմ, որ «ցանկության» դեպքում շատ լավ էլ կարող էր տեղեկացված լինել: Եթե դու ավագանու անդամ ես, հիմա էլ առաջադրվել ես` որպես թեկնածու ու մասնակցում ես քաղաքական գործընթացներին, մի՞թե չես հետեւում քո երկրի քաղաքական գործընթացներին: Դու ի՞նչ քաղաքական կերպար ես: Ինձ համար անընդունելի է ժանտախտի պահին այս նախընտրական խրախճանքը:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտեք տեսանյութում.

Այս թեմայով Բաքուն գիտի Վագիֆ Խաչատրյանի հիվանդության մասին. Եվրոպական դատարանում գերիների շահերի պաշտպանը Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք Եթե 15 միլիոն եվրոն մտավ Հայաստան, արդեն գլխանց կարելի է ասել՝ այս ընտրություններն ապօրինի են. Բաբուխանյան Նիկոլի դատաիրավական համակարգում կարմիր գծեր չկան Դրսից ԵՄ-ն փող է տալիս, որ դրսից ոչ ոք չխառնվի ընտրություններին. ԶԱՐՄԱՆՔ