Արցախի ու արցախահայերի դեմ գործող ամենակարեւոր ֆիգուրը Սամվել Բաբայանն է. ադրբեջանագետ

Ադրբեջանագետ ԳԱՌՆԻԿ ԴԱՎԹՅԱՆԻ կարծիքով` ադրբեջանական կողմն Արցախում փորձում է գնել հայի ազգանուն ունեցող տարբեր քաղաքական գործիչների: Դրանք մարդիկ են, որոնք փորձում են սպասարկել ադրբեջանական շահը: Նա հիշեցրեց, Արցախի ԱԽ նախկին քարտուղար, «Միասնական հայրենիք» կուսակցության նախագահ Սամվել Բաբայանի հայտարարությունը, թե ուզենք-չուզենք Աղդամով առեւտուր անելու ենք:

— Սամվել Բաբայանը վաղուց է իր դեմքը ցույց տվել: Ես լավ գիտեմ, որ նրան Արցախում լավ չեն վերաբերվում, չնայած այն դժվարություններին, որ կան Արցախում: Նա հստակ կապեր ունի Նիկոլ Փաշինյանի հետ: Շրջափակումից ամիսներ հետո տեսնելով, որ արցախցիները չեն հանձնվում, նրանք փորձեցին Արցախը ներսից քանդել: Արցախի ու արցախահայերի դեմ գործող ամենակարեւոր ֆիգուրը Սամվել Բաբայանն է, նրա հետեւորդները: Այդ մարդիկ հստակ ներդրված եւ կոնկրետ ֆինանսավորում ստացած մարդիկ են, որոնք փորձում են հայրենասեր խաղալ, բայց իրականում տանում են էթնիկ զտման, եթե ոչ ցեղասպանության: Դժվարանում եմ ասել, թե Ադրբեջանը Սամվել Բաբայանին իր անցյալի համար կների, թե` ոչ, բայց գուցե հնարավոր է, եթե մեծ ծառայություն մատուցի, մասնավորապես` եթե Արցախը ամբողջապես հայտնվի Ադրբեջանի կազմում կամ բացվի Ակնա-Ադրբեջան ճանապարհը:

ՀՐԱՆՏ ՍԱՐԱՖՅԱՆ

Այս թեմայով Արցախյան գեներալիտետից ոչ մեկ մոտ չի գալիս. Ինչ են պլանավորում արցախահայերը Վեճ՝ արցախցիների հարցով քննարկման ընթացքում․ ՔՊ-ն լքեց դահլիճը․ «Չեմ հասկանում՝ ով է հարցը լուծելու» Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Անբարոյական մոտեցում է, եթե ՊՆ նախարարը գտնում է, որ բանակի ողբերգական դեպքերում իր մեղքը չկա 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան