Զինկոմիսարիատներում կոռուպցիան վխտում է. ինչու ազատեցին Արմեն Ավթանդիլյանին. «Ժողովուրդ»
Մամուլի տեսություն
«Ժողովուրդ» օրաթերթը գրում է. ՀՀ ՊՆ զորակոչային և զորահավաքային համալրման ծառայության պետ Արմեն Ավթանդիլյանի հեռացումը անակնկալ է եղել ՊՆ աշխատակիցների համար, ու որեւէ մեկնաբանություն չի տրվել, թե ինչու ազատեցին նրան։
Ավելին՝ Հակակոռուպցիոն կոմիտեն օրերս հայտնեց, որ ՊՆ զորակոչային և զորահավաքային ծառայության պլանավորման և վերլուծության բաժնի սպան կաշառք է պահանջել, ՀՀ ՊՆ զորակոչային և զորահավաքային համալրման ծառայության Սյունիքի մարզի տարածքային ստորաբաժանման զորակոչի բաժանմունքի պետը զորակոչիկի օգտին ապօրինի գործողություն կատարելու համար վերջինիս հորից պահանջել և ստացել է առանձնապես խոշոր չափերով՝ 23 հազար ԱՄՆ դոլար կաշառք, ու այսպես շարունակ։
Արդյունքում քաղաքական իշխանությանը բացատրել են, որ վարչության պետը թույլ է, ու առավել խիստ ղեկավար է պետք նշանակել իրավիճակը վերահսկելու համար, ուստի չի բացառվում, որ այս բացահայտումներն էլ հիմք դարձան Ավթանդիլյանին հրաժեշտ տալու համար:
Հավելենք, որ ՀՀ նախագահ Վահագն Խաչատուրյանը երեկ երեկոյան հրամանագիր է ստորագրել Արմեն Ավթանդիլյանին ՀՀ ՊՆ զորակոչային և զորահավաքային համալրման ծառայության պետի պաշտոնից ազատելու մասին:
Ամբողջությամբ հոդվածը՝ «Ժողովուրդ» օրաթերթի այսօրվա համարում
1
31339 դիտում
2
11120 դիտում
3
2844 դիտում
4
1789 դիտում
5
1715 դիտում
