Իրադարձություններն Արցախի համար կայծակնային դաժան հետեւանքներ կունենան. զգուշացնում է Աբրահամյանը

Ավելին, աշխարհազորի հրամանատարը սպառնում է` Արայիկ Հարությունյանի շուրջ համախմբում տեղի չունենալու դեպքում, ինքն ու դաշտային հրամանատարները ցրելու են կառավարությունն ու խորհրդարանը եւ նոր ճգնաժամային մարմին ձեւավորելու, որտեղ որոշումներն իրենք կընդունեն: Ի դեպ, Արցախի խորհրդարանի ու կառավարության լուծարումն Ադրբեջանի պաշտոնական պահանջներից է, որն անձամբ Ալիեւն է հնչեցրել: Նաեւ ուզում եմ հստակ արձանագրել, որ Արցախում այսպիսի ծայրահեղ իրավիճակի հրահրումն Ադրբեջանի համար «հակաահաբեկչական գործողություն» իրականացնելու հիմք է ձեւավորելու, որովհետեւ սրա մասին եւս Ալիեւը մի քանի անգամ ասել է եւ հարմար առիթ է փնտրում, որպեսզի Արցախում իր համար բարենպաստ դաշտի ձեւավորման դեպքում, ներքին զորքերի անվան տակ առաջ տա իր հատուկ նշանակության ստորաբաժանումները:

 

Դեռ չեմ խոսում այն մասին, որ հնչեցված հայտարարությունը սահմանադրական կարգի տապալման մասին է, ինչը ենթադրում է համապատասխան մեխանիզմների գործարկում: Նախընտրելի տարբերակներից է` Մաթեւոսյանի հետ նստել խոսել, բացատրել իր հայտարարությունների եւ քայլերի ծանր քաղաքական հետեւանքները, հակառակ դեպքում՝ իրադարձություններն Արցախի համար կայծակնային դաժան հետեւանքներ կունենան», - գրել է ԱԺ «Պատիվ ունեմ» խմբակցության քարտուղար ՏԻԳՐԱՆ ԱԲՐԱՀԱՄՅԱՆԸ: