Սորոսածին Հայկոն կփորձի է ներկայանալ Ռուսաստանի հովանավորյալի կերպարով

Կարծես թե հայաստանյան քարոզչական դաշտում նշաններ են նկատվում, որ մայրաքաղաքային ընտրություններում նախկին քաղաքապետ, նիկոլյան դրածո Հայկոն փորձելու է իրեն հրամցնել որպես ռուսամետ ուժ:

Բանն այն է, որ մեր տարածքում ռուս-ամերիկյան ներկա բախման ֆոնին թեեւ ակնհայտ տեսանելի է, թե ովքերն են ԱՄՆ-ի եւ արեւմտյան տերերի հովանավորյալները, որոնց թվում, իհարկե, աչքի է ընկնում նիկոլյան թիմը` ի դեմս Ավինյանի, սակայն տեսանելի չէ, թե ում է աջակցում Մոսկվան, եթե, իհարկե, նման աջակցություն առհասարակ կա: Եվ ահա, մինչ այս էլ կային խոսակցություններ, որ հենց ռուսական ուժերի հովանավորյալի կերպար կփորձի վերցնել Հայկոն: Եթե ոչ բացահայտ, ապա ակնարկային տեսքով: Ու կարծես թե այդ գործընթացի մեկնարկն արդեն տրվում է` քարոզչական դաշտի կիրառմամբ:

Սակայն այս «օպերացիան» լուրջ թերություն ունի: Հայկոյի կինը, ինչպես ժամանակին շատ է խոսվել, ընդգծված, ամենաառանցքային ռուսատյաց երկրներից մեկի` Չեխիայի ներկայացուցիչն է: Ավելին, նույն պնդումների համաձայն, նա չեխական սորոսածինների ղեկավարի դուստրն է: Նաեւ քանիցս ֆիքսվել է, թե անձամբ Հայկոն ինչ սերտ ունեցվածքային դիրքեր ունի Չեխիայում, եւ այդ ամենը, իհարկե, հարվածի տակ կդներ, եթե իրականում հանդես գար ռուսական դիրքերից:

Չնայած, նա այլ տարբերակ չունի: Ինչքան էլ քարոզչական դաշտում փորձում են առաջ տանել այն թեզը, թե Հայկոն ունի որոշակի վարկանիշ, որ կարողանա հաղթելու հավակնություններ ունենալ, սակայն, ինչպես տեղեկացրեց մեր միանգամայն արժանահավատ աղբյուրը, դա սովորական միֆ է: Հայկոն իր էական մեղքի բաժինն ունի մեր երկրի ներկա վիճակի հարցում, այդ թվում` պատերազմում պարտության եւ զոհերի, եւ հասարակությունն այդ փաստը գիտակցում է: Գումարած, ժամանակին նա ընդամենը Նիկոլի հաշվին դարձավ քաղաքապետ, սակայն իրականում ունենալով զրոյական վարկանիշ: Այսինքն, հենց նման իրական դիրքերից էլ, ըստ աղբյուրի, Հայկոն ներգրավվելու է ընտրարշավում, եւ թերեւս նա էլ է հասկանում, որ առանց քարոզչական ավանտյուրայի, նա որեւէ շանս չունի: Ու քանի որ արեւմտյան դաշտը գերհագեցած է, նաեւ այդ դաշտին ծանր հարված է հասցրել Արցախը բացահայտորեն վաճառելու Արեւմտյան քաղաքականությունը, Հայկոյին, թերեւս, մնացել է իր ավանտյուրան կառուցել Ռուսաստանի հաշվին: