Մեր հասարակությանը բաց տեքստով բարոյազրկելը շարունակվում է. Տեր Եզնիկ քահանա Մարդիրյան

Հասարակություն 9 Օգոստոս, 2023 11:43

«Զարմանալի չէ, որ այլեւս հուժկու կերպով զարկ է տրված ոտնատակ տալու հայ տեսակը եւ նրա հոգեւոր արժեհամակարգը: Մի պետություն, որտեղ բոլորը քրիստոնյա են եւ ազգային հավատքը քրիստոնեությունն է, պատրաստվում է շատ ազատ կերպով հանդես գալ Իլյա Պրուսիկին անունով մեկը, ով բացեիբաց անարգում եւ պղծում է այդ նույն ժողովրդի համար նվիրական սրբություն համարվող պաշտամունքի նշանը՝ Խաչը, այն Խաչը, որի առջեւ աղոթում ենք, դրոշմում ենք մեր ճակատներին, պատերազմի ընթացքին այն կրում ենք մեզ հետ՝ Խաչի նշանի օգնությամբ հաղթանակի հասնելու համար: Բայց եկ եւ մի խենթանա, որ այն անարգողին հասարակության մի ստվար զանգված սրտատրոփ սպասում է, պատրաստ է հյուրընկալել եւ պատվի արժանացնել…», - գրել է Մասիսի Սուրբ Թադեոս եկեղեցու հոգեւոր սպասավոր Արժանապատիվ ՏԵՐ ԵԶՆԻԿ քահանա ՄԱՐԴԻՐՅԱՆՆ՝ անդրադառնալով «Little Big» խմբի հիմնադիր Իլյա Պրուսիկինի օգոստոսի 12-ին նախատեսված համերգին Հայաստանում:

Հիշեցնում ենք, որ Իլյա Պրուսիկինը Սուրբ Ծննդյան օրը քահանայի հագուստով անարգել է քրիստոնեական խաչը՝ այն օգտագործելով որպես անվաչմուշկ (սքեյթբորդ)՝ դրանով իսկ ծաղրելով քրիստոնեական արժեքները եւ վիրավարելով քրիստոնյաների կրոնական զգացմունքները: Մի խումբ քաղաքացիներ վերոնշյալ համերգը չեղարկելու պահանջով որոշել են հանցագործության մասին հաղորդում ներկայացնել ՀՀ գլխավոր դատախազությանը:

Այս թեմայով

Մայր եկեղեցուց պետք չէ հեռանալ. Տեր Հուսիկ քահանա Գրիգորյան

Մայր Աթոռ Սուրբ Էջմիածնում տեղի կունենա քահանայական ձեռնադրություն

Ոչ միայն Նիկոլը, այլ նաեւ Ալիեւն է փորձում աթոռ պահելու հարց լուծել

Մայր Աթոռի դռները բարբարոսաբար ջարդում էին, ինչո՞ւ վարույթ չէիք նախաձեռնում. Գալստյանը՝ դատախազին

Մայր Աթոռում տեղի ունեցած խուլիգանության դեպքով դատարանը պարտավորեցրել է քրվարույթ նախաձեռնել