ՌԴ արտաքին բլոկը մեղադրում է ՀՀ իշխանություններին, կոնկրետ՝ վարչապետին. Հարությունյան

Արցախի հանրային հեռուստատեսության եթերում ԱՀ նախագահ Արայիկ Հարությունյանը՝ անդրադառնալով ՌԴ խաղաղապահների գործունեությանն ու նրանցից ակնկալիքներին նշել է, որ 2020 թ. նոյեմբերի 9-ի եռակողմ հայտարարության կետերի նպատակն Արցախը պահպանելն է, սակայն այսօր, կարծես, ոչ մի կետ չի պահպանվում:

«Մեր պաշտպանության բանակի կողմից պաշտպանվող շփման գծում միայն շատ մեծ է խաղաղապահների դերը, որոնք կանխում են սրացումները եւ այլն: Այսօր ունենք որոշակի կայունություն այդ առումով, եւ մենք պարտավոր ենք շնորհակալ լինել, բայց մյուս կողմից էլ ֆիքսենք, որ գլխավոր կետերից մեկը՝ Լաչինի միջանցքն է, որը խաղաղապահների առումով չի կատարվում։ Դրա համար ես բազմաթիվ նամակներ ունեմ ուղղված Ռուսաստանի ղեկավարությանը, նախագահին՝ խնդրանքներ, կոչեր: Ունենք այն, ինչ ունենք»,- նշել է Արայիկ Հարությունյանը՝ կարծիք հայտնելով, որ սա նաեւ հետևանք է ռուս-ուկրաինական պատերազմի։

«Ռուսաստանի արտաքին բլոկը մեղադրում է Հայաստանի իշխանություններին, կոնկրետ՝ վարչապետին, որ դա հետեւանք է նրա կողմից Ադրբեջանի տարածքային ամբողջականության ճանաչման, իսկ Հայաստանը՝ Ռուսաստանին, որ եռակողմ պարտավորության կետերից մեկն է եւ անկախ իրավիճակից պետք է Ռուսաստանը կատարի։ Երկուսն էլ իրականությանը մոտ են, բայց նաեւ ես նշեցի երրորդը, որի մասին չի խոսվում, չի բարձրաձայնվում. այսօր դա նաեւ այն փակուղին է, որը առաջացել է Հայաստան-Ադրբեջան ենթակառուցվածքների վերագործարկման կամ նորերի կառուցման առումով»,- մանրամասնել է ԱՀ նախագահը՝ հավելելով, որ Ադրբեջանն այդ հանգամանքն օգտագործում է եւ շարունակում ճնշումն Արցախի ժողովրդի նկատմամբ։

Այս թեմայով Ուիտկոֆ. Ֆլորիդայում ռուս-ամերիկյան բանակցությունները կառուցողական և արդյունավետ էին Բաքվի դատարանում շարունակվում է կեղծ դատավարությունը Ալենչո, քեզ մի քիչ տղավարի պահի. Լևոն Հարությունյան. տեսանյութ ՀՐԱՏԱՊ. Վահագն Չախալյանը հայտնվել է պատժախցում Քննիչները ջարդեցին էս սեյֆն ու հայտնաբերեցին դատարկ պապկաներ ու «Ազատ Արցախ» թերթը. փաստաբան