Ականատես կլինենք զարգացումների, որոնք կքշեն-կտանեն Փաշինյանի իշխանությունը. Դանիելյան

Հայաստանի Հանրապետական կուսակցության երիտասարդական կառույցի նախագահ ՀԵՆՐԻԽ ԴԱՆԻԵԼՅԱՆԸ վստահեցնում է, որ  Հանրապետական կուսակցությունը՝ Երրորդ նախագահ Սերժ Սարգսյանի գլխավորությամբ, օրուգիշեր աշխատում է,  որպեսզի այս դավադիր ռեժիմը հեռացվի իշխանությունից:

«Տեսանելի ապագայում մենք ե՛ւ մասնակից, ե՛ւ ականատես կլինենք այն զարգացումներին, որոնք կքշեն-կտանեն Նիկոլ Փաշինյանի իշխանությունը, կքշեն-կտանեն սուտը, խավարը եւ կեղծավորությունը մեր երկրից: Եվ կբացվի նոր լույս Հայաստանի եւ Արցախի Հանրապետությունների վրա, ու մենք կունենանք հայկական օրակարգ»,- ընդգծեց Դանիելյանը:

ՀՀԿ երիտասարդական կառույցի նախագահը հիշեցրեց, որ Նիկոլ Փաշինյանն ասում էր, թե բերելու է խաղաղություն:

«Վախենալու է պատկերացնել, թե այդ խաղաղությունն իրենից ինչ է ենթադրում, քանի որ դա կեղծ օրակարգ է: Վստահեցնում եմ, որ միայն հայկական շահով առաջնորդվող բանակցողի դեպքում հնարավոր կլինի ստեղծել հայանպաստ իրավիճակ: ՀՀ ներկայացուցիչը պետք է ներկայացնի Հայաստանը եւ Արցախը, ունենա «հայկական պլան»: ՀՀ ներկայացուցիչը պետք է ներկայացնի Հայաստանի եւ Արցախի շահը, ինչը Նիկոլ Փաշինյանը չի անում», - շեշտեց Դանիելյանը:

ՀՐԱՆՏ ՍԱՐԱՖՅԱՆ

Այս թեմայով Անկախության օրը՝ ախմախ անակնկալներով ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է» Ձախողվեց մեր պետության զավթման ծրագիրը. Փաշինյանի ելույթը ՄԱԿ-ում Չէ՞, հա, իրո՞ք. Գեւորգ Սուջյանի պատասխանը Ալիեւին Համբերեք ձմեռը դուրս գանք. Ինչ է հրահանգել Փաշինյանը թիմակիցներին