Ինչ է հուշում Գուրգեն Արսենյանի անցյալը՝ «դիվանագիտական» ապագայի մասին

Ըստ մամուլում առկա տեղեկությունների` Ռուսաստանում ՀՀ դեսպան կարող է նշանակվել ԱԺ «Քաղաքացիական պայմանագիր» խմբակցության գործարար-պատգամավոր ԳՈՒՐԳԵՆ ԱՐՍԵՆՅԱՆԸ: Ի դեպ, այս տեղեկությունը քաղաքական կուլիսներում անցյալի կրկնության պես է հնչում: Հիշեցնենք, որ 1990-1994 թթ.-ին ՀՀԿ անդամ, 1991-1992 թթ.-ին` ՀՀԿ քաղաքական խորհրդի անդամ, ապա 2002 թվականից Միավորված աշխատանքային կուսակցություն հիմնադրած ու 2000-2007 թթ. պատգամավոր աշխատած, այնուհետեւ 2012-2017թթ. ԱԺ «Բարգավաճ Հայաստան» խմբակցությունում պատգամավոր դարձած եւ հիմա էլ «Քաղաքացիական պայմանագիր» խմբակցության պատգամավոր Արսենյանի դեսպան նշանակվելու լուրեր տարածվում էին դեռեւս 2017 թվականին: Ըստ էության, ստացվում է, որ այս բաղձալի օրվան քաղաքական առումով հայտնի եւ ճկուն ճամբարափոխ Արսենյանը սպասել է շուրջ վեց տարի: Իսկ ինչո՞վ էր նա զբաղված այս վեց տարիների ընթացքում, որպեսզի հավատացներ, թե ինչ լավ դիվանագետ կլինի նա Ռուսաստանում, կհարցնեք դուք: Իսկ փաստերն ամենեւին էլ հայ-ռուսական դաշնակցային, ռազմավարական հարաբերությունների սերտացման տիրույթում չեն, այլ ճիշտ հակառակը:

Այսպիսով՝ դեռեւս տարեսկզբին Գուրգեն Արսենյանն աչքի ընկավ իր հայտնի հայտարարությամբ՝ ընդդեմ Հայաստանում ռուսական ռազմաբազայի:

«Թուրքիան մեզ չի սպառնացել երբեք, մենք անկախ պատմության մեջ նման փաստ չունենք: Եթե ռուսական ռազմական ներկայությունը Հայաստանում չլինի, Հայաստանը որեւէ վտանգ չներկայացնող երկիր է լինելու, այդ թվում նաեւ Թուրքիայի համար, եւ մենք վերածվելու ենք կողքի հարեւանի, որը ոչ մի վտանգ չի ներկայացնում, ինչպես հիմա վտանգ չենք ներկայացնում Վրաստանի եւ Իրանի համար», - վստահ էր Արսենյանը:

Դրան հաջորդեց այն, որ Գուրգեն Արսենյանը սկսեց ՌԴ-ին մեղադրել Հայաստանին անհիմն պահանջներ ներկայացնելու մեջ:

«Մենք չենք Ռուսաստանի հետ որեւէ հարաբերություն խզել կամ փչացրել, մենք չենք պայմանագիր առոչինչ արել կամ չեղարկել, պարզապես մեզ անհիմն ներկայացվող պահանջներին մենք սկսել ենք ասել` կներեք, դրանք անհիմն են»,- ասել էր իշխող խմբակցության պատգամավորը:

Այսքանից հետո մեզ մնում է մեջբերել 2013 թվականին դեռեւս ԲՀԿ-ական պատգամավոր Գուրգեն Արսենյանի հնչեցրած մտքերից մեկը, ով խոստովանել էր. «Կներեք, իհարկե, պարոնա՛յք, բայց ես ռուսների մեջ «լոխ» չեմ տեսել», հետեւապես հիմա կարծել, թե վերջինիս գրկաբաց ընդունելու են իրենց երկիր, ապա առնվազն միամտություն է:

ՀՐԱՆՏ ՍԱՐԱՖՅԱՆ

Այս թեմայով Հայրիկի հրաշքը կգնա առաջին դասարան․ Գուրգեն Դաբաղյանը՝ դստեր կյանքի նոր փուլի մասին «Հրապարակ»․ Պարզ չէ, թե ինչպես կընդունի ՌԴ-ն` Գուրգեն Արսենյանին փոխարինողին Սիմոնյանը պատրաստվում է զբաղեցնել Զավենիչի տե՞ղը Հիմա իրենք ասում են, որ ընտրությունները լեգիտիմ չեն, առաջին արված հայտարարությունը մեր կողմից է հնչել. Սիմոնյան Ոչ լեգիտիմ ընտրական գործընթաց է տեղի ունեցել. Գուրգեն Սիմոնյան