Ովքե՞ր են կանգնած ռուսների դեմ բաց նամակ գրած արցախյան ծագմամբ հկ-ների թիկունքում

«Վերադարձ դեպի Դիզակ» ՀԿ տնօրեն Մարգարիտա Քարամյանը եւ «Հանուն Հադրութի» ՀԿ տնօրեն Լեւոն Հայրյանը բաց նամակով կոչ են արել Նիկոլ Փաշինյանին դիմել ՄԱԿ Անվտանգության խորհուրդին եւ պահանջել, որ Արցախ մտցվեն ՄԱԿ-ի խաղաղապահ զորքեր, քանի որ «ռուս խաղաղապահները չեն կատարում իրենց պարտականությունները:» Ավելին՝ նրանք պնդում են, որ «Ռուսաստանի Դաշնությունը հանցավոր պայմանավորվածությամբ իր զորքերը մտցրել է Արցախ՝ հայաթափելու Արցախի Հանրապետությունը»:

Թե ինչ մոծակ է կծել առաջին հայացքից արցախյան ծագում ունեցող այս կազմակերպություններին, պարզվում է՝ արմատները հասնում են ոչ թե Արցախ, այլ Ռուսաստանին ձեռնոց նետած Սորոսի «Բաց հասարակության հիմնադրամներ-Հայաստան»: Արցախյան 44-օրյա պատերազմից հետո ՄԱՐԳԱՐԻՏԱ ՔԱՐԱՄՅԱՆԻ ղեկավարած «Վերադարձ դեպի Դիզակ» ՀԿ-ն յուրաքանչյուր տարի Սորոսի հիմնադրամից ստանում է 25 հազար դոլար, իբրեւ Հադրութի շրջանից տեղահանված քաղաքացիների իրավունքները պաշտպանելու համար: Կարծել, թե Սորոսի հիմնադրամին հուզել է բացառապես միայն հադրութցիների իրավունքները, իհարկե, միատմություն կլիներ: Սա թերեւս հատկանշանական է նրանով, որ չնայած այսօր Արցախի անվտանգության եւ քաղաքացիների կյանքի երաշխավորը շարունակում է մնալ ռուս խաղաղապահը, բայց Սորոսի հիմնադրամը փորձում է, այսպես ասած, իրենով անել գոնե փախստականներին, որոնք կհրահրեն արցախցիներին ռուսների դեմ:

Ինչ վերաբերում է «Հանուն Հադրութի» ՀԿ նախագահ, Մեծ Թաղերի նախկին գյուղապետ, Արցախի նախկին պատգամավոր ԼԵՎՈՆ ՀԱՅՐՅԱՆԻՆ, նա վաղուց է Երեւանում դարձել ամերիկյան ագիտացիայի դրոշակակիրը, որի օրակարգի մեջ լիովին տեղավորվում է Ռուսաստանի դեմ հնարավորինս մեծ ատելություն գեներացնելը: Դեռեւս նախորդ տարի իր ակցիաներից մեկի ժամանակ Լ. Հայրյանն անկեղծացել էր, որ հանդիպում է ունեցել ամերիկյան դեսպանատան աշխատողների հետ, որոնք իրենց մտահոգությունն են հայտնել Արցախում առկա տրամադրությունների վերաբերյալ, թե՞ կարող է հանրաքվե անցկացնելու եւ Ռուսաստանին միանալու մտադրություն ունեն:

«Նրանք շատ հետաքրքիր հարց տվեցին, թե Արցախում ինչ ստորագրություն են հավաքում Ռուսաստանին միանալու համար: Ես ասացի, որ այդպիսի բան չկա, ժողովուրդը նման ցանկություն չի հայտնել», - դեռ այն ժամանակ ասում էր Հայրյանը, իսկ հիմա թերեւս ԱՄՆ դեսպանատան «ազիզ խաթր» լծվել է այդ ցանկությունը վիժեցնելու «սուրբ» գործին:

ՀՐԱՆՏ ՍԱՐԱՖՅԱՆ

Այս թեմայով Եվրոպական դեսանտն ու հայաստանյան ապագան. Հայկ Բաբուխանյան Զելենսկին թռավ դեպի Երևան՝ մեր ՀՕՊ-ի և սահմանապահների միջով անցնելով. Ռուսական փորձագետ Այսօր ժամը 7:00-ից 19:00-ն փակ են լինելու հետեւյալ փողոցները Ամերիկյան ազմական բեռնատար ինքնաթիռների թռիչքները դեպի Իրանի գոտի չեն դադարում Թուրքիան այդ հատվածը գործակելով կարողանո՞ւմ է Հայաստանին ավելի հեռուն՝ դեպի Սև ծով ելք տրամադրել.Տնտեսագետը Գյումրի-Կարս երկաթգծի մասին