Արցախի հարցը պետք է քննարկվի մի պետության հետ՝ Ռուսաստանի, որը ԽՍՀՄ իրավահաջորդն է. Այվազյան

Արցախի խորհրդարանը դիմել է ՄԱԿ-ի անդամ պետություններին՝ խնդրելով ճանաչել Արցախի անկախությունը: Արդյո՞ք այդ քայլն ուշացած չէ եւ ի՞նչ արդյունավետություն կարող է երաշխավորել, «Իրավունքը» պարզեց «Լույս» տեղեկատվական-վերլուծական կենտրոնի ղեկավար, «Հականացիստական ճակատ» նախաձեռնության համակարգող ՀԱՅԿ ԱՅՎԱԶՅԱՆԻ տեսակետը:

— Հերթական անգրագետ կազմված տեքստն էր, պարզ է, որ այդ տեքստը գրողը կա՛մ միտումնավոր է այդպես արել, կա՛մ աշխարհաքաղաքական առումով անգրագետ է, որովհետեւ այդ տեքստում հաշվի չի առնված աշխարհաքաղաքական իրողությունը: Ինչ-որ մեկը հավատում է, որ միջազգային հանրությունը Լեռնային Ղարաբաղն անկա՞խ է ճանաչելու: Այսինքն՝ Եվրամիությունը ասելու է՝ ես Ադրբեջանի հետ իմ ռազմավարական պրոյեկտները խզում եմ, որովհետեւ Արցախն անկախ եմ ճանաչո՞ւմ, պարզ չէ՞, որ չեն ճանաչելու: Միջազգային իրավունքով՝ միջազգային հանրությունը Արցախը տանում է Ադրբեջանի կազմ: Միակ լուծումն այն էր, որ քանի որ Արցախը սկսել է իր անկախության գործընթացը ԽՍՀՄ օրենքներով, ապա Արցախի հարցը քննարկվի մի պետության հետ՝ Ռուսաստանի, որը ԽՍՀՄ իրավահաջորդն է: Սա նախ Ռուսաստանին է ձեռնտու, որ իր հետ քննարկեն, երկրորդ՝ դա նախադեպ է իր համար, որովհետեւ ԽՍՀՄ տարածքում այլ վիճելի հարցեր եւս կան: Եվ եթե Արցախը ստեղծեր նախադեպ, որ Արցախի հարցը լուծվի ԽՍՀՄ ներքին օրենքներով,այլ ոչ թե միջազգային նորմերով, Ռուսաստանի համար լավ նախադեպ կլիներ, որ մյուս հարցերն էլ ինքը փորձեր լուծել ԽՍՀՄ ներքին օրենքներով: Իրականում Լեռնային Ղարաբաղի հարցը ԽՍՀՄ ներքին գործն է, դա միջազգային հանրության գործը չէ, եւ միջազգային հանրությունը ԽՍՀՄ ներքին գործերին խառնվելու իրավունք չունի:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցը կարդացե՛ք «Իրավունք» թերթի ուրբաթ օրվա համարում:

Այս թեմայով Հայկական խոհանոցի համն ու հոտը՝ ազգային մշակույթով համեմված. Համով զրույց լեգենդի հետ ՈՒՂԻՂ․ Արցախի թեմայով ինչու է լռում ընդդիմությունը․ Հայկ Բաբուխանյան Ոչ ֆուտբոլիստներն են հանդես գալ Հայաստանի հավաքականում և ինչպես կլուծվեն կադրային խնդիրները «Հրապարակ». Հայկ Սարգսյանի ճակատագիրը որոշված է Արցախյան գեներալիտետից ոչ մեկ մոտ չի գալիս. Ինչ են պլանավորում արցախահայերը