ՇՏԱՊ. Արենի Մարկոսյանն արդեն 12 ժամից ավել է չի կարողանում մուտք գործել Հայաստան. ահազանգում է պատգամավորը

ԱԺ «Հայաստան» խմբակցության պատգամավորներ Քրիստինե Վարդանյանը, Գեղամ Մանուկյանը եւ Արգիշտի Գեւորգյանն այս պահին գտնվում են «Զվարթնոց» օդանավակայանում: Նրանք ահազանգ են ստացել, որ հերթական հայը չի կարողանում մուտք գործել Հայրենիք՝ Հայաստանի Հանրապետություն:

«Այս անգամ Արենի Մարգարյանի մասին է խոսքը, ով ԱՄՆ քաղաքացի է եւ Հայաստան է ժամանել Լիբանանից: Նա շուրջ 12 ժամ է արդեն գտնվում է «Զվարթնոց» օդանավակայանում եւ պատրաստվում է գիշերել այստեղ՝ հույսով, որ գոնե առավոտյան որեւէ հստակություն կլինի եւ կտեղեկացնեն, թե ինչ պետք է անի: Նրան որեւէ պատճառաբանություն եւ հիմնավորում չի ներկայացվել, թե ինչու 12 ժամից ավել է խոչընդոտվում է իր մուտքը մեր երկիր: Պետք է փաստենք, որ ե՛ւ Արենիի, ե՛ւ մեր բոլորի ջանքերը՝ լրացուցիչ տեղեկատվություն ստանալու հարցում, ապարդյուն են անցել: Ինչպես նախորդ բոլոր դեպքերում, որեւէ հոդաբաշխ բացատրություն այս աբսուրդային իրավիճակին չի ներկայացվում», - ֆեյսբուքյան ուղիղ եթերում մանրամասնեց պատգամավոր ՔՐԻՍՏԻՆԵ ՎԱՐԴԱՆՅԱՆԸ:

Պատգամավորը հիշեցնում է, որ վերջին ամսվա ընթացքում սա արդեն երկրորդ դեպքն է, իսկ վերջին տարվա ընթացքում՝ շուրջ մեկ տասնյակի մոտեցող դեպքն է, երբ առանց որեւէ հիմնավորման՝ խոչընդոտվում է ազգությամբ հայերի մուտքը Հայաստանի Հանրապետություն:

«Ցավոք, պետք է արձանագրենք, որ Հայաստանի Հանրապետության դռները փակվում են հայերի համար եւ լայն բացվում թշմամիների առջեւ», - ընդգծեց Ք. Վարդանյանը:

ՀՐԱՆՏ ՍԱՐԱՖՅԱՆ

Այս թեմայով ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ Աշնանային սրացումներ ԱԺ-ում․ ԶԱՐՄԱՆՔ