Ինչու է «փուշը թողել» Տիգրան Ավինյանը

Իշխող «Քաղաքացիական պայմանագիր» կուսակցության մայրաքաղաքային քաղաքապետի թեկնածու ՏԻԳՐԱՆ ԱՎԻՆՅԱՆԸ, որը լինելով փոխքաղաքապետ՝ արդեն դե ֆակտո ստանձնել է բաղձալի պաշտոնը, վերջին շրջանում, կարծես թե, էլ առաջվանը չէ: Եթե առաջ, որտեղ կարմիր ժապավեն ու կարմիր գորգ կար, այնտեղ հայտնվում էր Ավինյանն ու փիառվում, հիմա դադար է վերցրել: Թե ինչո՞վ է պայմանավորված, այն էլ, երբ Երեւանի ավագանու ընտրությունները սարերի ետեւում չէ, մերձիշխանական կուլիսներում երկու վարկած է շրջանառվում:

Ավինյանական շրջանակները պնդում են, որ «շեֆը արխային է ընկել», քանի որ ունի ոչ միայն իշխանության աջակցությունն, այլ իշխանությանը դեմ հանդես եկող որոշ խմբերի, որոնք դեռ հույսեր են կապում, թե հենց Տիգրան Ավինյանն է մի «գեղեցիկ» օր դառնալու Նիկոլ Փաշինյանին փոխարինող այլընտրանքային վարչապետը կամ այլ կերպ ասած՝ իշխանական բուրգը հենց նա է քանդելու ներսից, երբ դրա համար պարարտ հող նախապատրաստվի: Էլ չասենք, որ անկախ Նիկոլ Փաշինյանից եւ իր թիմակիցներից, Ավինյան Տիգրանի համար «աբռաշատ են եղել» որոշ թաղային հեղինակությունների: Ոմանք նույնիսկ վստահ են, թե Տիգրան Ավինյանը կարող է անգամ տապալել ընտրությունները, ինչի համար նրան, որպես զսպաշապիկ կարգեցին ԱԻՆ նախարար Արմեն Փամբուկչյանին, որը լինելու է ՔՊ նախընտրական շտաբի ղեկավարը:

Այս ֆոնին մարգարեական է դառնում «Իրավունք TV»-ի եթերում ազատամարտիկ ՆԱՐԵ ՍՈՍԵԻ հնչեցրած միտքը, թե համոզված է, որ Տիգրան Ավինյանն է ընտրվելու:

«Ժամանակին Այվազովսկին նախանձում էր Տիգրան Մուկուչյանին, հիմա ավելի «բեթարն» է ԿԸՀ նախագահ՝ Վահագն Հովակիմյանը: Այնպես որ, ընտրության արդյունքները նկարելու են, Ավինյան Տիկոյի մորուքը նիսյա չեն խուզել: Խոսքս հիշեք», - ընդգծել էր նա:

Իսկ նիկոլականների շրջանակներում բոլորովին այլ ենթատեքստ են տեսնում Տիգրան Ավինյանի պասիվացման մեջ: Վերջինս գրեթե 10 օր առաջ հաղորդագրություն էր հրապարակել, թե ՀՀ-ում ԱՄՆ դեսպանատան ներկայացուցիչների հետ քննարկել է քաղաքային բարեփոխումների հետ կապված հարցեր։ Քննարկումների առանցքն էլ եղել է Երեւանում մունիցիպալ ոստիկանություն ստեղծելը՝ որպես պարեկային ոստիկանության ռեֆորմների շարունակություն։ Այն, որ նման հարցերը նախ ամերիկյան դեսպանատան հետ է քննարկվում, դեռ դնենք մի կողմ, սակայն հատկանշական է այն, որ նույնաբովանդակ հաղորդագրություն այդպես էլ տեղ չգտավ ՀՀ-ում ԱՄՆ դեսպանության ո՛չ պաշտոնական ֆեյսբուքյան էջում, ո՛չ առավել եւս կայքում: Մինչդեռ Ավինյանը վստահաբար նշել էր, թե  դեսպանատան իրավապահ համագործակցության բաժնի ղեկավար Ալեքսիս Հաֆթվանին ընդգծել է, որ դեսպանատունը պատրաստ է աջակցել համայնքին: Ըստ որոշակի ենթադրությունների, Ավինյանին այս կերպ դեսպանատունը փորձել է հասկացնել, որ «դաբռոյի» հետեւից գալու ժամանակը չէր, իսկ քաղաքապետի նաեւ իրենց սրտի թեկնածուն դառնալու համար պետք է հաղթահարել «քաստինգը»:

ՀՐԱՆՏ ՍԱՐԱՖՅԱՆ

Այս թեմայով ՌԴ ԿԸՀ–ն ներկայացրեց Պետդումայում մանդատների վերջնական բաշխումը Բաբուխանյանը բարձրացրեց Արցախի օկուպացված քաղաքների հարցը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Ադրբեջանական ագրեսիայի հետևանքով Արցախն ունեցել է 220-ից ավելի զոհ Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ