Ուկրաինական պատերազմը տալիս է նաեւ արցախյան հակամարտության հանգուցալուծումը

Քա­ղա­քա­գետ Ստա­նիս­լավ Տա­րա­սո­վը նա­խօ­րե­ին մեկ կա­րե­ւոր միտք եւս (Տե´ս նաեւ https://iravunk.com/?p=261364&l=am) ներ­կա­յաց­րեց, ո­րը եւս գա­լիս է հաս­տա­տե­լու, որ Ա­լի­ե­ւը ժա­մա­նա­կի հետ կապ­ված ի­րոք լուրջ խնդիր ու­նի: «Ադրբե­ջա­նը շտա­պում է: Տպա­վո­րու­թյուն է ստեղծ­վում, որ նա վա­խե­նում է, որ ա­պա­գա­յում Ռու­սաս­տա­նի եւ Ուկ­րա­ի­նա­յի մի­ջեւ հնա­րա­վոր խա­ղա­ղու­թյան պայ­մա­նագ­րում Ղա­րա­բա­ղի խնդի­րը կնե­րառ­վի Ռու­սաս­տա­նի եւ Ա­րեւ­մուտ­քի մի­ջեւ հա­րա­բե­րու­թյուն­նե­րի կա­ռուց­ման ընդ­հա­նուր պայ­մա­նագ­րում: Եվ քա­նի դեռ չի ա­վարտ­վել  ուկ­րա­ի­նա­կան հա­կա­մար­տու­թյու­նը, Բա­քուն ցան­կա­նում է ամ­րապն­դել իր դիր­քե­րը… Ուկ­րա­ի­նա­յի ուղ­ղու­թյամբ Ռու­սաս­տա­նի հաղ­թա­նա­կը կհան­գեց­նի նրան, որ Մոսկ­վան պար­զա­պես կսրբի Ա­րեւ­մուտ­քը Կով­կա­սից ցան­կա­ցած տար­բե­րա­կով, ո­րը նա վտան­գա­վոր է հա­մա­րում»:

Այն, որ մեր տա­րա­ծաշր­ջա­նա­յին գոր­ծըն­թաց­նե­րի հան­գու­ցա­լու­ծումն ու­ղիղ կապ ու­նի ուկ­րա­ի­նա­կան հա­կա­մար­տու­թյան, այն է` ռուս-ամե­րի­կյան այս­քան սրված հա­կա­մար­տու­թյան հետ, հայտ­նի բան է: Նա­խօ­րե­ին էլ, այդ­քան աղմ­կա­հա­րույց ա­սու­լի­սից պարզ­վեց, որ ան­գամ Նի­կոլն է գի­տակ­ցում այդ փաս­տը: Թե ինչ­պես է գնա­հա­տում ուկ­րա­ի­նա­կան պա­տե­րազ­մի ըն­թաց­քը, դա ար­դեն այլ հարց է…

Ա­մեն դեպ­քում, այս օ­րե­րին ուկ­րա­ի­նա­կան պա­տե­րազ­մում եւս հան­գու­ցա­լուծ­ման փուլ է, ո­րը շատ ա­վե­լի կան­խա­տե­սե­լի կդարձ­նի ա­պա­գան: Այս­պես, նա­խօ­րե­ին նա­եւ New York Times-ն ար­ձա­նագ­րեց, որ Կի­ե­ւը Վա­շինգ­տո­նին տե­ղե­կաց­րել է Ուկ­րա­ի­նա­յի Զին­ված ու­ժե­րի նոր մասշ­տա­բա­յին հար­ձա­կում սկսե­լու մա­սին ռազ­մա­ճա­կա­տի մի քա­նի հատ­ված­նե­րում, ո­րոն­ցից հիմ­նա­կա­նը մնում է Զա­պո­րո­ժիեն: Ռու­սա­կան պաշտ­պա­նու­թյան ճեղք­ման դեպ­քում դա թույլ կտա Ուկ­րա­ի­նա­յի Զին­ված ու­ժե­րին շարժ­վել դե­պի Տոկ­մակ-Մե­լի­տո­պոլ-Ազո­վի ծո­վի ուղ­ղու­թյամբ: Մի­ա­ժա­մա­նակ NYT-ը, վկա­յա­կո­չե­լով Պեն­տա­գո­նի աղ­բյուր­նե­րին, հայտ­նեց, որ Կի­ե­ւը մար­տի է դուրս բե­րել գործ­նա­կա­նում այն բո­լոր ու­ժե­րը, ո­րոնք ի սկզբա­նե նա­խա­տես­ված է­ին «հա­կա­հար­ձակ­ման» հա­մար, սա­կայն դեռ չէ­ին գոր­ծադր­վել: «Սա հիմ­նա­կան փոր­ձու­թյունն է»,-ներկայացրեց ընդ­հա­նուր պատ­կե­րը NYT-ի պեն­տա­գո­նյան զրու­ցակ­ցը, եւ նա մի­ան­շա­նակ ճիշտ է:

Ա­մե­րի­կյան ա­ռանց­քա­յին քա­րոզ­չա­մի­ջո­ցի տե­ղե­կատ­վու­թյու­նը նույ­նիսկ մի փոքր ու­շա­ցած էր. նա­խօ­րե­ին ուկ­րա­ի­նա­կան ու­ժերն ի­րոք ան­ցան մասշ­տա­բա­յին հար­ձակ­ման Զա­պո­րո­ժիե­ում: Ընդ ո­րում, մար­տե­րի ա­ռա­ջին եր­կու օ­րե­րի դրու­թյամբ, չնա­յե­լով հսկա­յա­կան կո­րուստ­նե­րին, ուկ­րա­ի­նա­կան բա­նա­կը հա­մա­ռո­րեն շա­րու­նա­կում էր հար­ձա­կու­մը: Իսկ կո­րուստ­ներն ի­րոք հսկա­յա­կան են. առա­ջին օր­վա դրու­թյամբ ար­դեն կոնկ­րետ փաս­տեր կա­յին Ուկ­րա­ի­նա­յի` ՆԱ­ՏՕ-ական տաս­նյակ տան­կե­րի եւ ԲՄՊ-նե­րի ոչն­չաց­ման մա­սին մի­այն Օ­րե­խո­վո­յի ուղ­ղու­թյամբ:

Ա­մեն դեպ­քում, Կի­ե­ւի կող­մից մասշ­տա­բա­յին հար­ձակ­ման գնա­լու այս քայ­լը սպաս­ված էր, թե­եւ ուկ­րա­ի­նա­կան բա­նա­կի գլխա­վոր հրա­մա­նա­տար Զա­լուժ­նին ար­դեն նա­եւ հրա­պա­րա­կավ էր սկսել հոր­դո­րել նա­խա­գահ Զե­լենս­կուն, չա­նել այդ քայ­լը: Սա­կայն քիչ չէին նա­եւ պնդում­նե­րը, որ ՆԱ­ՏՕ-ի վեր­ջին գա­գա­թա­ժո­ղո­վում Վա­շինգ­տո­նը Զե­լենս­կու ա­ռաջ վերջ­նա­գիր էր դրել` կա՛մ ա­պա­հո­վում են ռազ­մա­կան ար­դյունք­ներ, կա՛մ ար­դեն ա­մե­րի­կյան նոր բյու­ջե­ով Ուկ­րա­ի­նան կկանգ­նի ֆի­նան­սա­վոր­ման է­ա­կան կրճատ­ման փաս­տի ա­ռաջ: Ընդ ո­րում, սա այն դեպ­քում, երբ նույն ա­մե­րի­կյան փոր­ձա­գի­տա­կան աղ­բյուր­ներն են Զա­լուժ­նի­ի օ­րի­նա­կով բաց տեքս­տով խո­սում այն հե­ռան­կար­նե­րի մա­սին, ո­րոնք կա­ռա­ջա­նան, ե­թե հա­կա­հար­ձակ­ման այս փու­լը եւս ձա­խող­վի: Օ­րի­նակ, Պեն­տա­գո­նի ղե­կա­վա­րի նախ­կին խորհր­դա­կան, գնդա­պետ Դուգ­լաս Մակգ­րե­գո­րի գնա­հատ­մամբ` ե­թե ​​Ուկ­րա­ի­նա­յի զին­ված ու­ժե­րը փոր­ձեն անց­նել հար­ձակ­ման, նրանք կա­րող են կորց­նել մնա­ցած բո­լոր բրի­գադ­նե­րը: «Ուկրա­ի­նա­կան զոր­քե­րը ան­հե­տա­նում են մեր աչ­քի ա­ռաջ … Ե­թե նրանք շա­րու­նա­կեն հա­կա­հար­ձա­կու­մը, ա­պա մնա­ցած ու­ժե­րը կոչն­չաց­վեն: Այդ դեպ­քում Կի­ե­ւին ո­չինչ չի մնա»,- ա­սաց նա:

Գնդա­պետն, ի­հար­կե, չի սխալ­վում. այն կո­րուստ­նե­րը, ո­րոնք կա­րող է կրել ուկ­րա­ի­նա­կան բա­նա­կը, լրաց­նել դժվար թե հնա­րա­վոր լի­նի: Մի­ա­ժա­մա­նակ, գո­նե նախ­նա­կան տպա­վո­րու­թյամբ, հենց կո­րուստ­ներն էլ լի­նե­լու են ա­մե­նա­հա­վա­նա­կան ել­քը: Ա­մեն դեպ­քում, գնալ բո­լոր ու­ժե­րի կի­րառ­մամբ հար­ձակ­ման, այս­պես ա­սենք, քիչ հե­ռան­կա­րա­յին է, երբ նախ` հար­ձակ­ման հատ­վա­ծում ռուս­նե­րը մի շարք ա­ռանց­քա­յին պա­րա­մետ­րե­րով ու­նեն բա­ցար­ձակ ա­ռա­վե­լու­թյուն, նա­եւ ընդ­հա­նուր ռազ­մա­ճա­կա­տի հյու­սի­սում` Խար­կո­վի ուղ­ղու­թյամբ ռու­սա­կան բա­նակն է հա­ջող հար­ձակ­ման մեջ, նա­եւ Կի­ե­ւի գլխին` «բե­լա­ռու­սա­կան պատշ­գամ­բում» նստած է «Վագ­նե­րը» եւ Մի­ու­թե­նա­կան պե­տու­թյան ու­ժե­րը, իսկ ռուս­նե­րը ա­մե­նօ­րյա ռե­ժի­մով ողջ Ուկ­րա­ի­նան պա­հում են հրթի­ռա­յին հար­վա­ծի տակ (նա­խօ­րե­ին մի­ան­գա­մից 10 «Կին­ժալ» ար­ձակ­վեց)…

Ա­մեն դեպ­քում, ուկ­րա­ի­նա­կան այս հա­կա­հա­րձակու­մը, որ­տեղ շատ ա­վե­լի հա­վա­նա­կան է թվում ռուս­նե­րի հա­ջո­ղու­թյու­նը, կա­րող է դառ­նալ ուկ­րա­ի­նա­կան պա­տե­րազ­մի վերջ­նար­դյուն­քը մատ­նան­շող հստակ կե­տը: Եվ սա բա­ցար­ձակ ցու­ցիչ կլի­նի նա­եւ Ա­լի­ե­ւի ու Նի­կո­լի հա­մար: Եվ այդ դեպ­քում ե­ռա­կողմ գա­գա­թա­ժո­ղո­վը եւս կու­նե­նա Տա­րա­սո­վի ակ­նար­կած ար­դյուն­քը:

ՔԵ­ՐՈԲ ՍԱՐԳ­ՍՅԱՆ