Ծաղկաձորից մնացել է ձորը. հանգստացողներն անհանգստացած են

Մի շարք մտավորականներ, մշակութային գործիչներ հայտարարությամբ էին հանդես եկել` ահազանգելով, որ Ծաղկաձորը նահատակվում է աղետալի արագությամբ` ոչնչացվում են անտառները, ձորակներն ու բնական աղբյուրները՝ իրենց  տեղը զիջելով բազմաֆունկցիոնալ բարձրահարկերի: Ի՞նչ է կատարվում իրականում, «Իրավունքը» պարզել է հենց տեղում:

Ծաղկաձորում արդեն կառուցվել եւ դեռ կառուցման ընթացքի մեջ են մեկ տասնյակից ավելի տասը-տասներկու հարկանի բնակելի շենքեր, որոնք հիմնականում կառուցվում են անտառները ոչնչացնելու ճանապարհով: Եվ ոչ միայն այս շինարարությունն է «թոզուդուման» կապել Ծաղկաձորում, այլ նաեւ ճանապարհներն են քանդված: Ընդ որում` տեղացիներն ասացին, որ արդեն երկրորդ տարին է իրավիճակն այսպիսին: Պարզվում է` առաջին տարին սխալ ջրագծեր են անցկացրել, հիմա մեկ այլ կազմակերպություն է սարքում ճանապարհը` քանդելով նոր, բայց սխալ ճանապարհը:

Տեղում հանգստացողները բողոքում են, մարդիկ 50 հազար դրամ են վճարում ծաղկաձորյան հյուրանոցներում գիշերակացն անցկացնելու համար, բայց մաքուր օդ շնչելու փոխարեն` ահռելի քանակի փոշի են շնչում:

«Երեւանում հիմա, երեւի, ավելի մաքուր օդ է, քան Ծաղկաձորում: Եկել էինք հանգստանալու, վերադառնալու ենք` անհանգստացած»,- ասաց ընտանիքով, թերեւս վերջին անգամ Ծաղկաձորում հանգիստն անցկացնողներից մեկը:

ՀՐԱՆՏ ՍԱՐԱՖՅԱՆ

Այս թեմայով Ծաղկաձորում կիրականցվի տարածաշրջանի համար եզակի նախագիծ ԵԹԵ ԾԱՂԿԱՁՈՐ, ՈւՐԵՄՆ ԳՐՈՂՆԵՐԻ ՄԻՈւԹՅԱՆ ՍՏԵՂԾԱԳՈՐԾՈՂՆԵՐԻ ՏՈՒՆ Ծաղկաձոր համայնքի Մեղրաձոր բնակավայրում բացվեց հրշեջ փրկարարական հենակետ Աճու՞րդ, թե ուղղակի վաճառք․ իշխանություն և փող ունեցողները հողամասեր են գնում Ծաղկաձորում․ «Հետք» Փրկենք Ծաղկաձորը. մտավորականներն ահազանգում են