Հեղափոխության մրրկահավի» ասուլիսն ավելի քիչ դիտողականություն է ունեցել, քան որեւէ «ճ կլասի» գործչի. Զոհրաբյան

«Անվտանգություն եւ ժողովրդավարություն» ՀԿ նախագահ ՆԱԻՐԱ ԶՈՀՐԱԲՅԱՆԻ գնահատմամբ` միակ հարցը, որ պետք է հնչեր Նիկոլ Փաշինյանի ասուլիսին այն է, թե ե՞րբ է հրաժարական տալու:

— Մնացած բոլոր հարցերը, եթե անգամ բովանդակային առումով իրենց մեջ որոշակի կոդեր, ուղերձներ էին պարունակում, անիմաստ էր: Մի քանի ժամ լսում ես այդ մարդուն, մի քանի ժամ նա ֆռռացնում է բոլորին: «Հեղափոխության մրրկահավի» ասուլիսը երեկ ավելի քիչ դիտողականություն է ունեցել, քան որեւէ «ճ կլասի» գործչի: Ինչ վերաբերում է Նիկոլ Փաշինյանի պատասխաններին, նա, ըստ էության, հաստատեց, որ Ադրբեջանի հետ պատրաստվում է ստորագրել խաղաղության պայմանագիր եւ երկու անգամ հայտարարեց, որ ինքն Արցախի հարցում որոշում կայացնելու իրավունք չունի: Բա որ Արցախի հարցը քեզ չի վերաբերում, Արցախի լինելիությունը, հետագա կարգավիճակը, 120 հազար արցախցիների ճակատագիրը քեզ չի վերաբերում, ցույց տուր այն իրավական, սահմանադրական հիմքերը, որոնք վերաբերելի են քեզ, եւ որի վրա հիմնվելով՝ դու իրավունք ունես որոշել արցախցիների ճակատագիրը` չունենալով արցախցիների քվեն:

— Նա հիմա էլ է պնդում, որ այդ հարցն իրեն չի վերաբերում…

— Եթե այդ ամբողջը իրեն չի վերաբերում, ինչո՞ւ է որոշում կայացրել` Արցախն Ադրբեջանի կազմում թողնելու մասին: Իսկ եթե պետք է ասի, որ «նախկիններն էին Արցախը հանձնել ու գցել իր՝ խեղճի գրպանը», հիշեցնեմ` հուլիսի 21-ին, Շուշիում, մեդիա-ֆորումի ժամանակ արած Ադրբեջանի նախագահ Իլհամ Ալիեւի հայտարարությունն այն մասին, որ ՀՀ նախկին իշխանություններից ոչ մեկը Արցախը չի ճանաչել Ադրբեջանի կազմ, եւ նախկինում, երբ հարցը գալիս էր Ադրբեջանի տարածքային ամբողջականությանը, միջազգային հանրությունը առաջ էր բերում արցախցիների ինքնորոշման հարցը:

Այս թեմայով Չէ՞, հա, իրո՞ք. Գեւորգ Սուջյանի պատասխանը Ալիեւին Ինչ նոտարական փաստաթուղթ է իրականում ստորագրել Հարությունյանը Բաքվի բանտում ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Ընդդիմությունն իմ տպավորությամբ մինչ այս պահն օրակարգ չունի․ Նաիրա Զոհրաբյան