Արհավիրքը մոտենում է, մտածելու ու ճիշտ կողմնորոշվելու համար շատ քիչ ժամանակ է մնացել. Բալասանյան

«Հայաստանը Արցախի հայրենակիցներին չի պաշտպանի՝ նոր ռազմական ագրեսիայի դեպքում. Փաշինյանը հայտարարում է, թե ՀՀ զինված ուժերի խնդիրը Հայաստանի տարածքային ամբողջականությունը պաշտպանել է, իսկ ԼՂ-ի անվտանգությունը պետք է ապահովի ԼՂ պաշտպանության բանակը։ Այս հայտարարությունը հաջորդեց ՀՀ ՊՆ առաջին տեղակալ-գլխավոր շտաբի պետ Ասրյանի` ԱՄՆ կատարած այցելությանը։ Եթե հաշվի առնենք, որ խաղաղ ժամանակ հենց գլխավոր շտաբի պետն է զորքերի հրամանատարը, հենց նրա հետ էլ ամերիկացիները պայմանավորվել են` ըստ էության ստանալով Արցախում պատերազմ սկսելու դեպքում ապահովելու ՀՀ զինված ուժերի չեզոքության համաձայնությունը` արձակելով ադրբեջանցիների ձեռքերը։

 

Նման պատահականություններ չեն լինում։ Փաշինյանը առաջին անգամ է նման բան ասում։ Իսկ այն, որ Ասրյանը կկատարի այդ հրամանը, ես անձամբ չեմ կասկածում։ Վերջինս զարմանալի բարեգութ վերաբերմունք ունի ադրբեջանցի զինվորների նկատմամբ։ Այնքան բարեգութ, որ Ջերմուկի մոտ շրջապատման մեջ ընկած ազերի հատուկջոկատայիններին ոչնչացնելու հրաման չի տալիս։ Հո գազան չե՞նք այ մարդ, մարդ ենք: Հեսա իրանց հացն ու ջուրը կվերջանա, մարդիկ սուս փուս լավով կգնան էլի։ Մնում է հասկանանք զինվորների, միջին սպայական կազմի դիրքորոշումը։ Տղերք, դո՞ւք էլ եք հանգիստ նայելու, թե ինչպես է արնաքամ լինում Արցախի պաշտպանության բանակը ազերիական հարձակման դեպքում: Որ նման հարձակում լինելու է, ես չեմ կասկածում։ Ասեք իմանանք։ Խոսեք հասկանանք։ Արհավիրքը մոտենում է, մտածելու ու ճիշտ կողմնորոշվելու համար շատ քիչ ժամանակ է մնացել», - գրել է ԵՊՀ միջազգային հարաբերությունների եւ դիվանագիտության ամբիոնի դոցենտ, միջազգայնագետ ԳՐԻԳՈՐ ԲԱԼԱՍԱՆՅԱՆԸ: