Ուզում ենք հասկանալ` ԱՄՆ-ը, ՌԴ-ն եւ Ֆրանսիան իրենց ստորագրությունները բանի տեղ դնո՞ւմ են, թե` չէ. Շարմազանով

Դեռեւս նախորդ տարվա ամռանը ՌԴ ԱԳ նախարար Սերգեյ Լավրովը հայտարարել էր, որ ԵԱՀԿ Մինսկի խումբը դադարեցրել է իր գործունեությունը: Ընդ որում` նա շեշտել էր, որ այն դադարեցվել է Մինսկի խմբի համանախագահներ ԱՄՆ-ի եւ Ֆրանսիայի ներգործությամբ: Այս համատեքստում ի՞նչ կարելի է ակնկալել ԵԱՀԿ Մինսկի համանախագահ երեք պետությունների` ԱՄՆ-ի, Ֆրանսիայի եւ Ռուսաստանի ղեկավարներից, որոնց բաց նամակով դիմել է ՀՀ երրորդ նախագահ Սերժ Սարգսյանը, «Իրավունքը» պարզեց ՀՀԿ ԳՄ անդամ ԷԴՈՒԱՐԴ ՇԱՐՄԱԶԱՆՈՎԻ տեսակետը:

— ԵԱՀԿ Մինսկի խումբը, եթե, ըստ Սերգեյ Լավրովի, չի գործում, իսկ 2020 թվականի նոյեմբերի 9-ի հայտարարությունը գործո՞ւմ է: Նոյեմբերի 9-ի հայտարարության մեջ գրվա՞ծ է, որ Լեռնային Ղարաբաղն Ադրբեջանի մաս է: Չկա գրված:

— Նոյեմբերի 9-ի հայտարարության տակ Ֆրանսիայի եւ ԱՄՆ-ի ղեկավարների ստորագրությունն էլ չկա: Հետեւապես, արդյոք պե՞տք է հույսեր կապել ԵԱՀԿ Մինսկի խմբի հետ:

— Ոչ մեկն ինձնից շատ հայ-ռուսական դաշնակցային հարաբերությունների կողմնակից չէ, բայց պետք է ճիշտն ասել: Ռուսական կողմը մի քիչ перегибает палку: Իրենք ասում են`այո՛, Նիկոլ Փաշինյանը հանձնել է Արցախը: Բայց մի կարեւոր խնդիր կա` նոյեմբերի 9-ի հայտարարության մեջ, որին հղում է անում ռուսական կողմը կա՞ որեւէ կետ, որտեղ Արցախը Ադրբեջանի մաս է, չկա՛: Այնտեղ կա՞ որեւէ կետ, որ Լաչինի միջանցքը պետք է փակ լինի, չկա՛: Այնտեղ կա՞, որ Ադրբեջանը պետք է ութ ամիս շարունակ շրջափակման մեջ պահի Արցախը, չկա՛: Հետեւաբար, թող հարգեն իրենց ստորագրությունը:

— Բայց առաջին հերթին, կարծես թե, հենց Նիկոլ Փաշինյանը չի հարգում իր ստորագրությունը` հայտարարելով, որ Արցախը ճանաչում է Ադրբեջանի մաս…

— Այն, որ Նիկոլ Փաշինյանն իր ստորագրությունները չի հարգում, իր պարտավորությունները չի կատարում, մենք շատ լավ գիտենք: Դրա համար էլ հինգ տարի է պայքարում ենք այդ ազգակործան պատուհաս կապիտուլյանտ ռեժիմի դեմ: Բայց մենք ուզում ենք հասկանալ` միջազգային հանրությունը եւ մասնավորապես` Միացյալ Նահանգները, Ռուսաստանը եւ Ֆրանսիան, իրենց պարտավորություններն ու ստորագրությունները բանի տեղ դնո՞ւմ են, թե` չէ: Թե՞ Ալիեւի նման կարծում են, որ դրանք պարտավորություններ չեն, այլ այդ ստորագրություններն ունեն ընդամենը զուգարանի թղթի կարգավիճակ: Հիմա ուզում ենք իմանալ` իրե՞նք էլ են Ալիեւի հետ համամիտ, որ իրենց ստորագրությունը որեւէ կարգավիճակ չունի, թե՞ իրենք ունեն պարտավորություն` որպես միջազգային հանրության ներկայացուցիչներ, որպես Մինսկի խմբի համանախագահ երկրների ներկայացուցիչներ, որպես ՄԱԿ-ի անվտանգության խորհրդի մշտական անդամ պետությունների ներկայացուցիչներ եւ Ռուսաստանը մասնավորապես` որպես եռակողմ հայտարարության միջնորդ եւ անբաժան մաս:

ՀՐԱՆՏ ՍԱՐԱՖՅԱՆ

Այս թեմայով Այս իշխանությունները Եվրոպա չեն գնում, գնում են Թուրքիա. Էդուարդ Շարմազանով Փաշինյանն Ալիևին արձագանքելու փոխարեն ասում է՝ «թենք յու». Շարմազանով Երևանում դիմավորում են Զելենսկուն, ով 44-օրյա պատերազմին աջակցում էր Ալիեւին․ Շարմազանով Արաղչիի այցը Ռուսաստան կդառնա՞ իրանական պատերազմի ավարտը Ստեփանակերտի պատմական թաղամասը եւս ոչնչացվել է. Ահազանգում է նախկին պատգամավորը