Ժողովրդավարությունը «մեռավ» Ֆրանսիայի դեսպանատան դարպասների առաջ

Բաստիլի գրավման օրը՝ հուլիսի 14-ը, համարվում է Ֆրանսիայի ազգային տոնը, ինչի առթիվ Ֆրանսիայի դեսպանատանը մեծ խնջույք էր կազմակերպվել՝ Հայաստանում իր դիվանագիտական առաքելությունը ժամկետից շուտ ավարտող դեսպան Անն Լույոյի կողմից: Եվ չնայած նրան, որ տեւական ժամանակ է, ինչ Ֆրանսիայի քաղաքացի, հետաքննող եւ ռազմական լրագրող Լեո Նիկոլյանը հիմնավոր փաստեր է ներկայացնում, որ սույն դեսպանը թաթախված է կոռուպցիայի մեջ եւ անգամ փողեր է ստացել Բաքվից՝ դավաճանելով ինչպես Հայաստանին, այնպես էլ Ֆրանսիային, ու բարձրացված մեծ աղմուկից հետո՝ նա փորձում է աննկատ հեռանալ Երեւանից, բայց Անն Լույոյի հրավերով դեսպանատուն էին շտապել ոչ միայն իշխանության ներկայացուցիչներ, այլեւ մի շարք կարկառուն ընդդիմադիրներ: Ոմանք նույնիսկ դեսպանատան դիմաց գլուխները տմբտմբացրին՝ ասելով, որ տեղյակ են եղելության մասին, բայցեւ չխուսանավեցին զերծ մնալ այդ միջոցառումից:

Վերջապես գտնվեց մեկը, ով այդ միջոցառմանն այլ օրակարգով էր եկել: Դեսպանատան առջեւ Լեո Նիկոլյանի հայտնվելուն պես՝ ոստիկանությունը նախ խուզարկեց նրա պայուսակները, ապա ոչ մի վտանգավոր իր չգտնելով՝ պահանջեց, որ նույնիսկ չփորձի բարձրախոսով խոսել, քանի դեռ դեսպանատան ներսում ընթանում է միջոցառումը: Նիկոլյանը ստիպված էր լուռ ակցիա իրականացնել՝ Անն Լույոյի լուսանկարով պաստառով, ինչը սակայն վրդովվեցրեց ո՛չ ավել, ո՛չ պակաս ֆրանսիացի ժանդարմին՝ դեսպանատան անվտանգության աշխատակցին: Վերջինս հարձակվեց Նիկոլյանի վրա եւ պատռեց իր իսկ շեֆի՝ Անն Լույոյի լուսանկարով պաստառը, ընդ որում՝ երկու անգամ: Իսկ հայրենի ոստիկանությունը փոխանակ զսպեր ժանդարմին, որը բացահայտ սադրանքի դիմեց, բերման ենթարկեց Լեո Նիկոլյանին: Ահա այն ամենը, ինչ պետք է իմանալ Արեւմուտքի կողմից հորջորջվող ժողովրդավարության մասին:

ՀՐԱՆՏ ՍԱՐԱՖՅԱՆ

Այս թեմայով Հայաստանի և Ֆրանսիայի միջև ստորագրված ռազմավարական գործընկերության մասին հռչակագիրը Մակրոնը ժամանեց Երեւան Ստեփանակերտի պատմական թաղամասը եւս ոչնչացվել է. Ահազանգում է նախկին պատգամավորը «Ոչ մի դեպքում մի՛ այցելեք Իրաք, եթե արդեն երկրում եք, անմիջապես լքեք այն». Բաղդադում ԱՄՆ դեսպանատուն Ամեն դեպքում, խոսե՛ք, ասեք՝ ո՞նց մեզ սպանեցիք, հանուն ինչի՞ սպանեցիք. Զոհված հերոսի մայր