Արցախի մեր քույրերն ու եղբայրներն ասում են` հաց չունենք, ՀՀ իշխանություններն ասում են` գնացեք, դա ասեք Բաքվին. Մամիջանյան

ԱԺ «Պատիվ ունեմ» խմբակցության ղեկավար ՀԱՅԿ ՄԱՄԻՋԱՆՅԱՆԻ գնահատմամբ` միջազգային կառույցների օրեցօր չգործելու հետեւանքներն ավելի ահասարսուռ են դառնում:

— Հայաստանի իշխանություններից ակնկալիք չկա, որովհետեւ Հայաստանի իշխանություններն ասում են՝ Ստեփանակերտ, գնա Բաքվի հետ բանակցի, միեւնույն ժամանակ, ասում են, որ Արցախն Ադրբեջանի մաս է: Այլ կերպ ասած` Արցախի մեր քույրերն ու եղբայրներն ասում են` հաց չունենք, իսկ Հայաստանի իշխանություններն ասում են`գնացեք, դա ասեք Բաքվին: Բայց հայությունը երբեք չի հանդուրժի Արցախի հայտնվելն Ադրբեջանի կազմում: Այս պահին անհրաժեշտ է լուծել հումանիտար ճգնաժամը, որն արդեն դարձել է աղետ: Խնդրում եմ միջազգային կառույցներին գործել այսօր, այլապես ավելի ուշ մեր հաջորդ հավաքները կլինեն Արցախում հայերի նկատմամբ իրականացրած ցեղասպանության վերաբերյալ: Ես գիտեմ, որ այս պահին մենք միջազգային կառույցներից խնդրում ենք լինել ավելի հայրենասեր, ավելի հայասեր, քան Հայաստանի իշխանություններն են: Մենք այդ խնդիրը կշտկենք, մեր բաժին գործը կանենք, բայց դրա համար անհրաժեշտ է ժամանակ, որը Արցախի մեր քույրերն ու եղբայրները չունեն: Ուստի` ակնկալում ենք, որ միջազգային կառույցները գործուն աջակցություն կցուցաբերեն: Պարտադիր չէ, որ Ստեփանակերտի կենտրոնում սովամահ եղած հայերի դիակներ լինեն, դրանք հայտնվեն միջազգային պարբերականներում, ու նոր սկսեն գործել:

Այս թեմայով Ի՞նչ լավ բան կարող ենք սպասել, սրանց ձեռքերը մինչեւ արմունկներն արյան մեջ են. Այվազյան Գալիս են իշխանության, որ ի՞նչ անեն Կառավարության հետ վերջը իրար հասկացա՞ք, ո՞վ զիջեց. Ագնեսա Խամոյանը՝ Հայկ Սարգսյանին Հասել ենք նրան, որ Ալիևը` բազկաթոռին փռված, հաթաթա է տալիս ԵԽ-ին, հուսանք չեք հանդուրժի Եվրոպական դեսանտն ու հայաստանյան ապագան. Հայկ Բաբուխանյան