ՄԱԿ-ը քողարկում է իր անգործությունը, քանի՞ եղբայր եք էդ խելքով. Ալավերդյան

Ըստ ՀՀ Մարդու իրավունքների նախկին պաշտպան, իրավապաշտպան ԼԱՐԻՍԱ ԱԼԱՎԵՐԴՅԱՆԻ` այսօր Արցախի Հանրապետությունը չճանաչված, բայց ամբողջովին լեգիտիմ կայացած է, եւ որեւէ մեկը չի կարող իր քմահաճույքով չեղյալ հայտարարել ժողովրդի արտահայտած կամքը:

— Արցախի Հանրապետությունը, չլինելով ՄԱԿ-ի անդամ պետություն, իրավունքներ ունի` որպես միջազգային իրավական սուբյեկտ եւ ընդհանրապես մի այնպիսի տարածք, որի վրա պետք է նույնչափ պաշտպանվեն մարդու իրավունքները, ինչպես որեւէ ճանաչված երկրում: Ասում են` բա ի՞նչ անենք, արդեն իսկ Հայաստանը ճանաչել է Ադրբեջանի մաս: Դրանով ՄԱԿ-ը քողարկում է իր անգործությունը: ՄԱԿ-ն իր առավելությունները հանձնել է ոմն Շառլ Միշելի, որի հայտարարությունները հակասում են Եվրապառլամենտի քաղաքականությանը, որը հայտարարվել է տարիներ շարունակ: Եվրախորհրդարանը երբեւիցե չի հայտարարել, որ Ստեփանակերտը կարող է հումանիտար օգնություն ստանալ Աղդամով: Քանի՞ եղբայր եք էդ խելքով: Հստակեցնենք` Արցախի Հանրապետությունն ունի իրավական սուբյեկտություն: Եվ որպես այդպիսին` պահանջում ենք ՄԱԿ-ի կողմից նշանակել առնվազն երկու հատուկ զեկուցողներ: ՄԱԿ-ը շուտափույթ պետք է հայտարարի այնպիսի մի հատուկ զեկուցողի պաշտոնի ստեղծման մասին, ինչպես շատ արագ արվել է անցած տարվա հոկտեմբերին` Ռուսաստանում Մարդու իրավունքների ուսումնասիրության համար: Երկրորդ` ՄԱԿ-ն ունի հատուկ զեկուցող ցեղասպանության կանխարգելման մասին: Այդ ո՞վ է ասել, որ սա ցեղասպանություն չէ: Արցախում միտումնավոր ստեղծվել են այնպիսի պայմաններ, որոնք անհնարին են դարձնում այդ մարդկային խմբի՝ այդտեղ ապրելը: Սա ցեղասպանություն է, իսկ Ցեղասպանության կանխարգելման կոնվենցիայի երրորդ հոդվածում հստակ ասվում է, որ պատժելի է ոչ միայն զուտ ցեղասպանությունը, այլ ցեղասպանության փորձը:

Այս թեմայով Իրանը պահանջում է ԱՄՆ-ի լիակատար կապիտուլյացիան, ինչը Թրամփի գիտակցությունը չի կարողանում ընկալել. Բրիտանական հետախուզության նախկին սպա Երկիրը գտնվում է այլմոլորակային հետախուզության հսկողության տակ. ԱՄՆ փոխծովակալ, առևտրի նախկին փոխնախարար Արցախյան «էլիտան» նոր որոշում ունի Պետությունը իրավունք ունի փոխել պատկերը, բայց չունի իրավունք փոխել ժողովրդի հիշողությունը. Բացառիկ զրույց հայտնի իրավապաշտպանի հետ «Հրապարակ»․ Պաշտպանության նախկին փոխնախարարին մեղադրանք է առաջադրվել