Արցախի աղետի գլխավոր մեղավորը ՀՀ իշխանությունն է՝ Նիկոլ Փաշինյանի գլխավորությամբ. Իսրայելյան

«Վերածնվող Արցախ» շարժման համակարգող ԱՆԱՍՏԱՍ ԻՍՐԱՅԵԼՅԱՆԸ, անդրադառնալով արցախյան իշխանությունների կողմից կազմակերպված Ստեփանակերտում այս օրերին տեղի ունեցող  հանրահավաքներին, որը համաժողովրդական շարժում է կոչվում, ասաց, որ ողջունում է: Ըստ նրա` թեպետ ուշացած է այն, բայց կայացած:

— Ես էլ եմ մասնակցել եւ տեսել եմ, թե ժողովուրդն ինչ մեծ հույսերով է գալիս հրապարակ` համախմբվելու: Ինձ վրա ոգեւորիչ տպավորություն է թողել. Բայց կան բացթողումներ, որին պետք է արձագանքենք: Առաջին լուրջ բացթողումն այն է, որ այդքան խոսքերի ու ելույթների մեջ, որոնք ողջունելի էին, մեկ բառ կամ խոսք չեղավ Հայաստանի իշխանության ներկայացուցիչներին կամ ղեկավարներին: Մինչդեռ գտնում եմ, որ Հայաստանի իշխանությունն է Արցախում առկա մեծ աղետի գլխավոր մեղավորը: Արցախի ներկա իրավիճակի, բոլոր դժվարությունների եւ խնդիրների գլխավոր մեղավորը ՀՀ իշխանությունն է` Նիկոլ Փաշինյանի գլխավորությամբ: Ուզում եմ, որ այն պայքարը, այն շարժումը, որն Արցախում իրականանում է, լինի արդար, բաց եւ ճիշտ: Հետեւապես, որպես արցախցի, կոչ եմ անում Արցախի իշխանությանը, որ այդ բացթողումները լրացնեն, իսկ դրա համար պետք է ստեղծված իրավիճակի հասցեատերերին անվանել անուններով, որ ժողովրդի` մեզ համար, պարզ ու հասկանալի լինի այս շարժման բովանդակային իմաստը: Առանց դրա, մենք `ժողովուրդս, չենք կարող կողմնորոշվել, թե ինչ ճանապարհով ենք գնում եւ ինչ նպատակի համար: Հայաստանի իշխանությունները իրենց գործողություններով, մտքերով ու պահելաձեւով բոլոր ոլորտները հանգեցնում են աղետի: Մինչդեռ Արցախի հարցում այսօր ելքեր կան, միայն պետք է խելք խելքի տանք ու ճիշտ, մաքուր մոտեցումներով աշխատենք այդ ուղղություններով: Այնպես որ, եթե ուզում ենք, որ այս շարժումը կամ համախմբումը լինի կայուն եւ հասնի իր նպատակին, պիտի շարժվենք արդար մոտեցումներով, համախմբված որոշումներ կայացնենք եւ կայացնելիս էլ կոնկրետ հասցեագրենք, թե ինչն ում է ուղղված: Միայն այդ կերպ կարող ենք ազատ պայքարել:

ՀՐԱՆՏ ՍԱՐԱՖՅԱՆ

Այս թեմայով Անբարոյական մոտեցում է, եթե ՊՆ նախարարը գտնում է, որ բանակի ողբերգական դեպքերում իր մեղքը չկա 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Շատ են արցախցիները իրանց գեներալներով երդում-պատռտվում՝ հեսա շոկի կենթարկվեն, որ տեսնեն ունեցվածքների աշխարհագրությունը Գոնե սեւազգեստ մայրերից ամաչեք, դուք եք նրանց սեւ հագցրել. Ալլա Հակոբյան «Իրավունք». Արցախյան գեներալ-բիզնեսմենները անհասանելի են արցախահայերի համար