Ինքնավնասում կատարած Զինվորի գործով, «ՔԵԶ ՀԱՄԱՐ ԶԻՆՎՈՐ» նախագիծը իր տեսակետը կներկայացնի քննչական գործողությունների ավարտից , եւ օրենքով սահմանված կարգով դատարանի օրինական ուժի մեջ մտած դատավճռից հետո միայն

Ինքնավնասում կատարած Զինվորի հետ կապված ուզում ենք  տեղեկացնել, որ այս պահի դրությամբ, Զինվորի վիճակը համեմատաբար լավ է, Զինվորը գտնվում է դեռ հոսպիտալում՝բժիշկների հսկողության տակ:
Տեղեկացնենք նաեւ, որ գործով զբաղվում են ՀՀ ՊՆ քննչական ծառայության X կայազորի քննչական բաժնի աշխատակիցները,
հետեւապես քննչական գործողությունների ավարտից , եւ օրենքով սահմանված կարգով դատարանի օրինական ուժի մեջ մտած դատավճռից հետո միայն, մենք  կարող ենք  ներկայացնել "ՔԵԶ  ՀԱՄԱՐ ԶԻՆՎՈՐ"  նախագծի  տեսակետը ՝ այս ահազանգի հետ կապված:

Համաձայն ՀՀ Սահմանադրության «Հանցագործության մեջ մեղադրվողը համարվում է անմեղ, քանի դեռ նրա մեղավորությունն ապացուցված չէ օրենքով սահմանված կարգով՝ դատարանի օրինական ուժի մեջ մտած դատավճռով:

Բոլոր նրանց, ովքեր չեն զլացել ուղարկելով մեզ հազարից ավել նամակներ, հորդորում ենք ընկալել խնդրի եւ ահազանգի հետ կապված նրբությունները, եւ չդիմել խնդրանքով՝    X հոսպիտալի պետի, եւ կամ Զինվորի ով  լինելու հետ  կապված  այլ մանրամասներ ներկայացնելու,  անուն ազգանուն հրապարակելու,  ինչպես նաեւ տալու  գնահատական՝ իրավիճակի հետ  կապված: 

Մենք չենք կարող ընդհառաջ գնալ ձեր խնդրանքին այն  պարզ պատճառով, քանի որ չենք   պատրաստվում խախտել եւ որեւէ մեկի անմեղության կանխավարկածը: 

"ՔԵԶ  ՀԱՄԱՐ ԶԻՆՎՈՐ"  նախագիծը  հնչեցրել է  ահազանգը, ներկայացնելով ծնողի հայտարարությունը՝ պահպանելով մասնագիտական էթիկայի նորմերն ու կանոնները, մնացածն այլեւս իրավապահների տիրույթում է:
Զինվորին մաղթում ենք  շուտափույթ առողջություն:

Հ.Գ 

Մեր խորհին շնորհակալություն ենք  հայտնում որդեկորույս ծնողներից շատ-շատերին, սրտացավ ու անշահախնդիր մեր հայրենակիցներին, այդ թվում նաեւ բանակի ակունքներում  կանգնած   մեր բազում սպաների ու զինվորականների, առաջին  իսկ ժամերից   բարոյական աջակցություն հայտնելու, եւ ցանկացած իրավիճակում, ու  ցանկացած պայքարի  ֆորմատում..."ՔԵԶ ՀԱՄԱՐ ԶԻՆՎՈՐ"  ՆԱԽԱԳԾԻ  կողքին  կանգնելու  համար: 

Շնորհակալ ենք  հազարավոր նամակների, հեռախոսազանգերի եւ արձագանքների  համար:  

Սիրելիներս, խնդիրն արդեն ասացի այլեւս իրավապահների տիրույթում է, եւ  իրավական գնահատական տրվելուց հետո միայն, մենք  կարող ենք  հրապարակայնորեն հայտնել "ՔԵԶ  ՀԱՄԱՐ ԶԻՆՎՈՐ"  ՆԱԽԱԳԾԻ տեսակետը, եւ համապատասխան հետեւություններ ու քայլեր անել: 

ԳԱՅԱՆԵ ԶԱՐԳԱՐՅԱՆ 

"ՔԵԶ  ՀԱՄԱՐ ԶԻՆՎՈՐ"  

ՆԱԽԱԳԻԾ